Matio 2:12 - Nouveau Testament en Ngienboum

¹² Pɔ́ ńnéŋe tà né ḿbiŋe nzèm, e Ssé lɔg njÿòon shwóŋó wɔ́b ngie: Pɔ́ pɔ́ɔn légíŋe ńcʉa lejʉ́ŋ fùɔ *Herôd. Pɔ́ leen ńké ńcʉ́’ ḿpfó pɔ́ nzsè ndyɛ̀’ɛ tá ḿbiŋ né lá’ pɔ́b.

Matio 2:12 ပူးပေါင်းရင်းမြစ်များ

Matio 1:20

ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

Matio 2:13

Pɔ́ gwɔ́ tà ńgʉa, Yesyɛ̂b lyé njÿòon, ńgyá tsɔ̌ *Cÿɔ́’ Cʉ̀apʉ̀a tó, ńgɔɔn né yé ngie: Lu ssé, ńkáa múɔ, pi lâ mápfò kÿo, ńgʉa lê tsɛ̀ɛ ngwòŋ Egipto, ńnéŋe wó. Mèŋ, n ge gÿo shwóŋó gú fʉ̀’ gie ɔ̀ ge piŋ nzèm. Á nue *Herôd ge fa’a múɔ wɛ̂ lézẅé yé.

Matio 2:19

*Herôd la gwɔ́ tà ńkwé, Yesyɛ̂b lyé njÿòon Egipto, ńgyá àtsɔ̌ *Cÿɔ́’ Cʉ̀apʉ̀a tó,

Matio 2:22

á jú’ ngie Arkélawẅis zɔ né sá’a pàga ngwòŋ Jẅidea, tà fó pá’ tá we *Herôd ka kwě, ńně ńcÿɔ’ɔ légʉa Jẅidea, ńdyé njÿòon, Cʉ̀apʉ̀a náa yé ntÿɔgɔ́. Á cʉ́’ ńgʉa pɔ́ lê tsɛ̀ɛ pàga ngwòŋ Galilea,

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Lukase 2:26

Mbà à la lá’ ńtʉ́ njÿó shwóŋó yé ngie à těen ńdá’a ńkwé té gwɔ́ gie à zabá léjÿɔ́g ná *Nzà’nkÿo gẅie à tǔm wɔ́.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 4:19

Tá’ Piɛ pɔ́ Jâŋ tsɔ́’ɔ mbwo pɔ́b ngie: Ammó gie e Ssé ne ńkwoŋo gwɔ́ ngie mé jú’ pɔ́ ncwò gẅi kà wé? Pi gyá gí ngie kɔ́?

Megàŋ ntúm 5:29

Tá’ Piɛ pâ megàŋ ntúm tsɔ́’ ngie: Á zɛ́te ngie me jú’ ncwò Ssé, ńcʉa le jú’ ncwò pʉ̀a mésoŋ.

1 Korento 3:19

Á nue anò gie áa tsɛ̀ɛ yɔɔn njÿó ńgwɔ́ zsé nò, áa mvfò Ssé ńgwɔ́ pɔ́ menò pʉ̀a. Ŋwà’ne Ssé zɔɔn ńgɔɔn ngie: «E Ssé lɔg pɔ́ lejÿɔ́’ nzsé nò ńdɔg ńgwoon yé».

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

Heber 8:5

Afà’ gie pɛ̌ pànuŋe pwɔ́’ fa’a, á lɔgɔ ńgwɔ́ pɔ́ fʉ̀’, ńdɔgɔ ńgwɔ́ pɔ́ jʉ́jʉ́ŋ ná kwà’ nò gie áa tÿǒ lepwó. Á lɔgɔ pú’u, ńgwɔ́ pá’ e Ssé la nyɛɛ Mǒsê pá’ à ge gÿo á fʉ̀’ gie á lɔ̌ɔn ńge nÿɔg ntàb Ssé, e Ssé la gɔɔn né yé ngie: «Lʉŋte pɔ́ ná gie mèŋ n da nyɛɛ gú ndùm lekwɛ́ la».