Matio 2:11 - Nouveau Testament en Ngienboum

¹¹ ńzyɛ́’ ńkúu tsɛ̀ɛ ndá, ńgyá múɔ pɔ́ má we Malîɛ, ńkẅí’te ssé, ńná mekù’ múɔ ḿbiŋ ńta’ pɔ̀ɔn sɔ́b, ńnéŋe shʉ̀ŋe múɔ nê ngɔ̂l pɔ́ làméndɔ́ɔn ntí pʉ̀a.

Matio 2:11 ပူးပေါင်းရင်းမြစ်များ

Matio 1:18

Wɔɔn aa pá’ á la cʉa pú’u, tá mé zyé Yěsô Kristo. Má wé Malîɛ la gwaa gwɔ́, mbà Yesyɛ̂b kaŋá yé, tà mé zẅíŋ ngie à zɔ́’ɔ yé, tá á nyé té gʉa tà ńkúu mbʉ̀a yé, mé gyá á gwɔ́ shwoŋ, mbà Zẅìge Ndʉalʉ̌a zɔ̌ gÿǒ

Matio 12:46

Yěsô lá nyé shwóŋó mbwó lá’ shwoŋó, má we pâ mefɛ́ pé tó, ńtyé pǐ ne fa’a légyá yé.

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Matio 2:10

Pɔ́ gyá pú’u, ḿbú ńkág tɛ’,

Matio 2:2

ńgwá ńkʉ́’ʉ ńzɛ́te ngie: Àfùɔ pà Yuda gẅie mé ka zyé yé la gwɔ́ pɔ́ nzɔ̌ wɔ́? Peg ka tyé lá’ peg mbu’ sǎ’ nèm ńgyá saŋ we, peg tóo pá’ɔɔn léná mekù’ mé.

Lukase 2:16

Pɔ́ gɔɔn pɛ́’ɛ, ńdêen ńdu Ssé ńgʉa lêtʉ tà ńkúu wó, ńgyá Malîɛ pɔ́ Yesyɛ̂b, ńgyá mûɔ mbÿɛ́, á núŋe tsɛ̀ɛ ngwʉ̌ŋ shúm léjÿó menɔ̀ɔn,

Lukase 2:38

ńtóo *jʉ’ʉ Ssé tsɔ́ lyɛ̌’ pá’ à zɔ̀ɔn ńtóo, ńgwaa kúu wó fʉ̀’ó, mbà mé lɔgɔ́ múɔ ńtó, á gyá yé, ésíe Ssé, ńdêen ńké ńzye léshwóŋó nò wɔɔn múɔ mbwo pʉ̀a metsèm pie é la ne ḿbyɛ́bɛ lyɛ̌’ gie Ssé ge lá’ cu’u Yerósalem.

Ŋwà’ne Jâŋ 19:39

Nikodem gẅie à lǎ’ tsɔ̌ letsẅɛ́’, ńtó ńgʉa ńgyá Yěsô la, tó yé, ńgẅiin tsɔ̌ ntí laméndɔ́ɔn gie mé la cub metwó megǐ ńdɔg ńgwɔ’, mɛ̌ megǐ gwɔ́ myrre pɔ́ aloes. Á gwɔ́ mmó kilo móm ntá.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.