Matio 19:9 - Nouveau Testament en Ngienboum

⁹ Mèŋ shwóŋó gẅí, nyìŋ lɔɔn ńjwoŋo nzwě we té gwɔ́ pɔ́ ngie à gÿǒ gÿɛ́, ńzɔ́’ɔ tsɔ̌, mbà ngàŋ gÿo pɔ́ gÿɛ́

Matio 19:9 ပူးပေါင်းရင်းမြစ်များ

Matio 19:10

*Ngàŋa kwò Yěsô gÿo ńgɔɔn né yé ngie: Àlɔ́ɔn ndá lɔɔn ńgwɔ́ pɔ́ pɛ́’ɛ, ḿba mvfò nyìŋ léńnéŋe té zɔ́’.

Matio 19:8

Yěsô tsɔ́’ɔ mbwó pɔ́b ngie: Mǒsê lɔ̌ɔn ńgɔɔn pú’u, mélà’mie à la gyá ngie pi tʉʉ twó mbwó Ssé tà á cʉa. Tá á zẅíŋ ngie pi jwóŋ mezwě pí, mbà á la fó nùŋe ngwòŋ ńké tè pú’u, wɔ́.

Matio 5:32

!Tá’ mèŋ, n gɔɔn né pi ngie: «Nyìŋ lɔɔn ńjwoŋo nzwě we, té gwɔ́ gie manzwě gÿǒ gÿɛ́, mbà a tsoté yé légÿo gÿɛ́ pá’ à lɔɔn ńgʉa ńzɔ́’ɔ tsɔ̌ nyìŋ. Nyìŋ piŋ ńzɔ́’ɔ manzwě gẅie ndǔm we jwoŋó yé, mbà à gÿǒ gÿɛ́».

Lukase 16:18

Áa pú’u, tá mèŋ n dɔgɔ ńgɔɔn ngie: Nyìŋ lɔɔn ńjwoŋo nzwě we, ńzɔ́’ɔ tsɔ̌, mbà pɔ́ wéwɛ̌ gwɔ́ pɔ́ nà nò gÿɛ́. Nyìŋ gẅie à pǐŋ ńzɔ́’ɔ manzwě gẅie ndǔm we jwoŋó yé, mbà à gÿó pɔ́ gÿɛ́.

1 Korento 5:1

Mé ne ńjú’u mé gwɔ́ nzɔ̌ nzɔ̌ éshwóŋó ngie áa tsetsɛ̀ɛ pi, atsɔ́ nyìŋ gwɔ́ wó é fʉ’ʉ tsɔ́ ntí menò tɛ’, Yɛ̌ ntí tsẅé pǔ ḿbÿág pÿág tà pàtè zsé Ssé zɔɔn tè pú’u, gÿo. N ne ńjú’u ngie atsɔ́ nyìŋ tsetsɛ̀ɛ pi kéen ńnéŋe nzwě tá we ndá.

1 Korento 7:39

Á gʉa ná manzwě gẅie à zɔ̌’, à ké ńgẅiin pɔ́ léla nnɛ́ nà ndúm we á nà fʉ̀’ gie ndúm we nyé wó. Andúm we ké ńkwé, á gẅiin lézɔ́’ɔ nyìŋ gẅie yé manzwě kwǒŋ. Anò gwɔ́ pɔ́ ngie wɛ̌ mámbàŋa gwɔ́ nyìŋ Kristo.

1 Korento 7:4

Manzwě tè gẅiin lélɔg mbùm ye ńgÿo mmó gie à kwoŋ wɔ́, mbùm ye gwɔ́ pɔ́ ye ndúm we. Á gíŋe ńgwɔ́ pɔ́ ndʉŋ ndʉŋ pá’ mámbàŋa tè gẅiin lélɔg mbùm ye ńgÿo mmó gie à kwoŋ wɔ́, mbùm ye gwɔ́ pɔ́ ye nzwě we.