Matio 19:29 - Nouveau Testament en Ngienboum

²⁹ Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Matio 19:29 ပူးပေါင်းရင်းမြစ်များ

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

Matio 13:23

Mbyè mmó gie gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋò Ssé tà nkwà’ ńjú’. Pɔ́ ée pá’ metsìŋe shúm mie setsɔ́ gwɔ́ ná memvòm nkÿo, setsɔ́ ná móm ntɔgɔ́, setsɔ́ ná móm ntá.

Matio 13:8

Etsɔ́ memvòm gwe ná jʉ’e tsetsá’ mbòŋo, ésá’ ńgú’, ńzém. Etsɔ́ letsiŋe gwɔ́ ná mvòm nkÿo, etsɔ́ ná mvòm móm ntɔgɔ́, setsɔ́ ná mvòm móm ntá.

Matio 16:25

Nyìŋ gẅie á ge zɔɔn fa’a lépɔ́ɔn we le gwɔ́, zɔɔ nyìŋ gẅie à ge pyé we le gwɔ́ wó ŋwɛ́. Tá’ nyìŋ gẅie à kě ḿbyé we le gwɔ́ wó mélà’ mɔ́ɔn, mbà wɛ̌ nyìŋ ge lá’ gwɔ́ wɔ́.

Matio 19:16

Àtsɔ̌ nyìŋ gÿo ńtóo lejʉ́ŋ Yěsô, ńzɛ́te yé ngie: Tsítsà, à lɔɔn ńgwɔ́ mèŋ n gÿo kɔ́ nò mbòŋo tà ńgẅiin le gwɔ́ tèmí?

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Matio 6:33

Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i.

Lukase 14:26

Nyìŋ lɔɔn ńcʉ́me nzèm mèŋ, à tè kwoŋo wɔ̀ɔn ńcʉa tá we, ńcʉa má we, ńcʉa nzwě we, ńcʉa pènkʉ́ pé, ńcʉa mefɛ́ pé pe mbàŋa mbɔɔ pe pànzwě, ńcʉa mbɔɔ kwà’ twó mbùm yé wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 5:11

Pɔ́ jú’ pú’u, ńdɔg mekanú’ ḿbiŋ lé ngʉ̀ŋe ntse, ńkúu wó, ḿbú ńnyé kɔ̀ɔkɔ́ɔ wɔ́, ńcʉ́me nzèm Yěsô.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 15:19

Pi kěen ńgwɔ́ pé’e ńgwɔ́ pʉ̀a njÿó, mbà njÿó kwoŋo gẅi tɛ’, á nue njÿó kwoŋo mmó gie áa yé. Tá’ pi ké tè pʉ̀a njÿó wɔ́, mèŋ n zɔ ka tsɔ́’ɔ gẅí, éfaga gẅi nà pʉ̀a njÿó. Áa mmó gie á gÿo njÿó pʉa gẅí.

Ŋwà’ne Jâŋ 4:36

Nyìŋ gẅie à laga shúm, à ne ńkẅé ntsɔ’ɔ́ fà’ wé, é gwɔ́ pá’ à ne ńcú’te mmó ńnéŋe tsɛ̀ɛ le gwɔ́ tèmì. Légwɔ́ gie ambyè mmó pɔ́ ndàga ge pú kág.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

Filipo 3:8

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì,

1 Piɛ 4:14

Mé lɔɔn ńzoon gẅi ńtí lezíŋ Kristo, mbà pi ee pà shÿó mbòŋo, á nue a Zẅìge legú’, á Zẅìge Ssé áa ná pi,

3 Jâŋ 1:7

Á nue pɔ́ kéen ńcʉ́me mánzsè pɔ́ léfa’a fà’ Kristo, ḿbiŋ ńké tè ne ńzẅíŋe lékẅé mmó gie á fóo mbwo pà tè zsé Ssé wɔ́.