Matio 19:21 - Nouveau Testament en Ngienboum

²¹ Yěsô tsɔ́’ɔ mbwó yé ngie: Ɔ̀ lɔɔn ne fa’a lémege ńcʉ́me, ɔ̀ gʉa sẅiŋ shúm sie ɔ̀ gẅiin ntsèm, ńná nkáb mbwó pàtèmmó, ńdeen ńké ndá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Matio 19:21 ပူးပေါင်းရင်းမြစ်များ

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 19:20

Mûɔ shùm ŋwɛ́ gɔɔn né yé ngie: Mèŋ, n gee ńké ńtsẅé ńkú’te mbʉ̌ mɛ̂ ku’té ntsèm, àkɔ́ nyé ńzága wɔ̀ɔn?

Matio 19:22

Mûɔ shùm jú’u yɔɔn shwóŋó, eshÿó wé sẅɛ́’, á tém nzèm ńgʉa, mélà’mie à la gẅiin shúm tʉ̀ nzẅìŋ tɛ’.

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Matio 4:19

Yěsô gɔɔn né pɔ́b ngie: Pi tó, ńcʉ́me nzèm mèŋ, n dɔgɔ gẅi ńgÿo pàfà’ pʉ̀a mesoŋ.

Matio 5:48

Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Matio 8:22

Yěsô tsɔ́’ɔ mbwó yé ngie: Cʉ́m pɔ́ nzèm mèŋ, ńnyé mepfó pɔ́ túŋ mepfó pɔ́b.

Matio 9:9

Yěsô fó jʉ’ó ńgʉa, ńgwaa cʉa jʉ’ gie mé kẅé ncùb pà *Roma wó, atsɔ̌ nyìŋ ńnéŋe, lezíŋ sé gwɔ́ lê Matio. Yěsô gɔɔn né yé ngie: Tóo pɔ́gɔ zɔ cʉ́’ʉ ńgiŋe. Á lu ssé, ńcʉ́me nzèm yé.

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Malékuse 2:14

Á ne ńgiŋe, ńgyá Lěvi míŋ Alfe, á ńnéŋe jʉ’ gie mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe. Lěvi lu ssé ńcʉ́me nzèm yé.

Malékuse 8:34

Ńdeen ńké ńtóŋo lá’ mbɔɔ *ngàŋa kwò yé, ńgɔɔn né pɔ́b ngie: Nyìŋ lɔɔn ńge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Lukase 14:33

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 16:9

Yěsô ma’a twó ngie: Pi lɔg gí shúm se yɔɔn tèpòŋ njÿó, ńkúu kwà’ shǔ gẅie é tsẅé té mì, à lá’ ńtyé fʉ̀’ gie sɛ̌ shúm ŋwɛ́ té nyé wó wɔ́, e Ssé lɔgɔ gẅi ńgʉa lá’ ye, pi tsẅé ńgwɔ́ wó.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 5:27

Yěsô gÿo ńkẅɛ ńne ńgee, ńgyá tsɔ̌ nyìŋ gẅie mé tóŋo yé le Lěvi, á gwɔ́ *nkẅè ncùb pà Roma, ńnéŋe jʉ’e mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe.

Lukase 6:40

ńgíŋe ngie: Anzì’i fà’ tè tá fà’ we cʉa. Tá’, anzì’i fà’ gẅie à zi’í fà’ tà ńcʉ́me gÿo yé pá’ tá fà’ we lá.

Lukase 9:23

Yěsô gÿo ńgɔɔn mbwo pʉ̀a metsèm ngie: Nyìŋ lɔɔn nge gwɔ́ wɔɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Megàŋ ntúm 2:45

Pɔ́ lɔ́ɔn ně sẅiŋe metsetsá’ mɔ́b mbɔɔ shúm tʉ̀ nzẅìŋ sɔ́b, ńdɔgɔ nkáb ńtóo mé gábte ńná ye wɔ̌wɔ ɔ pɔ́ pá’ e ge ku’u nà yé nò.

Heber 10:34

Megàŋa tsǎŋ la ne ńgyá ngɔ́’, pi kú gí nùɔ pɔ́b. Afʉ̀’ gie mé la gwoon shúm sí ńkẅé, pi lɔg pɔ́ lekág ńzẅíŋ mé kẅé, á nue pi la ne ńzsé ngie pi gẅiin tsɔ́ shúm é gwɔ́ sie é poŋ ńcʉa sɛ̌ ḿbiŋ ńgwɔ́ sie é ge lá’a gwɔ́ pɔ́ wó.