Matio 19:16 - Nouveau Testament en Ngienboum

¹⁶ Àtsɔ̌ nyìŋ gÿo ńtóo lejʉ́ŋ Yěsô, ńzɛ́te yé ngie: Tsítsà, à lɔɔn ńgwɔ́ mèŋ n gÿo kɔ́ nò mbòŋo tà ńgẅiin le gwɔ́ tèmí?

Matio 19:16 ပူးပေါင်းရင်းမြစ်များ

Matio 19:15

ńgɔɔn pú’u, ńzáb mbwó mé ná pɔ́b, tà á ku’ á fó jʉ’ó ńgʉa.

Matio 19:26

Yěsô líe wɔ́b tà ńgɔɔn ngie: Á cʉa pɔ́ pʉ̀a mesoŋ, e Ssé ku’u légÿo kɔ́ɔkɔ́.

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 12:25

Nyìŋ lɔɔn ńkwoŋo we le gwɔ́, mbà à ge pyé le gwɔ́ ŋwɛ́. Nyìŋ ké ńgwága nò ná we le gwɔ́ tsɛ̀ɛ yɔɔn njÿó, mbà à ge lá’ gẅiin le gwɔ́ tèmì.

Ŋwà’ne Jâŋ 3:15

À cʉa pú’u, nyìŋ gẅie à zǎb ntʉ́m wé ná yé, à gẅiin le gwɔ́ tèmì.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Megàŋ ntúm 16:30

ḿbiŋ ńgÿo pâ pɔ̌ fó tsɛ̀ɛ ndá tsǎŋ ńkẅɛ, á zɛ́te wɔ́b ngie: Pà ndè, ńgwɔ́ n gÿo lêkɔ́ tá ńtsẅɛ́?

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

1 Timote 6:19

Pɔ́ lɔɔn ńgÿo pú’u, mbà pɔ́ lɔgɔ ńcú’te fù’ yɔ́b ńde’e ná jʉ’ʉ mbòŋo, á jʉ’ gie yɛ̌ fù’ ge lá’a gwɔ́ pɔ́ wó, é lɔgɔ pú’u, gẅiin kwà’ le gwɔ́ wó.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Titus 3:7

À la néŋ pá’ɔɔn légwɔ́ gie pege ge lá’ gẅiin le gwɔ́ tèmì gẅie pege neŋé ńne ńzẅí’te. E Ssé ge lá’ ná né pege, mélà’mie à la kwoŋo wégè, ńcÿó gʉm yégè, ńgÿo pege cʉ́’ pʉ̀a pie ée mvfò ye ńgwɔ́ ndʉŋ ndʉŋ.

1 Jâŋ 1:2

E Ssé la gwɔ́ tà ńtó ńnáa wɛ̌ le gwɔ́ né peg, peg gyá yé, tà peg ee pá’ɔɔn ńgwɔ́ pàjÿò ńgyá, ńne shwóŋó gẅi nò ná le gwɔ́ tèmì gẅie à la fó lejʉ́ŋ Tá ńtó ńnyɛ́ mbùm ye mbwo peg.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Jẅide 1:21

Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.