Matio 18:9 - Nouveau Testament en Ngienboum

⁹ Á lɔɔn ńcʉ́’ gie lejÿɔ́g shú tsóte ɔ́, ɔ̀ fʉa nò, ɔ̀ tsɔ́’ ńgwá’ á ngʉa shʉ̀shʉ̀a. Mvfò aa gú légwɔ́ pyé lejÿɔ́g ndá’ ńgwɔ́ wó, ńcʉa gú légẅiin menÿɔ́g mémbʉ́a, ndá’ ńkúu tsɛ̀ɛ mmɔ̌g.

Matio 18:9 ပူးပေါင်းရင်းမြစ်များ

Matio 16:26

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?

Matio 18:8

Á lɔɔn ńcʉ́’ gie apwó ɔ́ ka kwò ɔ́ wɔ́, à tsóte ɔ́, ɔ̀ fʉ́a nò, ɔ̀ zá’ ńgwá’ á taataa ngʉ́a shʉ̀shʉ̀a. Mvfò aa gú légwɔ́ kème pwó ka kème kwò wɔ́, ndá’ ńgwɔ́ wó, ńcʉa pá’ à lɔɔn ńgwɔ́, ɔ̀ gẅiin mbwó mú mémbʉ́a ka mekwò mú mémbʉ́a wɔ́, ndá’ ńkúu tsɛ̀ɛ mmɔ̌g gẅie e tě ndá’a ḿbyé wɔ́.

Matio 19:17

Yěsô zɛ́te yé ngie: Mélà’a kɔ́ ɔ̀ zɛ́te wɔ̀ɔn nò ná mmó gie áa mbòŋ? Nyìŋ mbòŋo gwɔ́ pɔ́ wémɔ’ɔ́. Ɔ̀ lɔɔn ne ńkwoŋo ngie pi Ssé gwɔ́, ɔ̀ kú’te mbʉ̌ mé.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 5:29

Lejÿɔ́g shú sé pwó tʉ̀ lɔɔn ńtsóte gú ɔ̀ fʉa nò, ɔ̀ tsɔ́’ ńgwá’a taa taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.

Malékuse 9:47

ḿbiŋ ńgwɔ́ gie lejÿɔ́g shú zɔ ne ńtsóte ɔ́, ɔ̀ fʉa nò, ɔ̀ tsɔ́’ ńgwá’, mvfò ee gú légwɔ́ pyè lejÿɔ́g tá ńké ńkúu nà nò *Lefùɔ Ssé, ńcʉa pá’ à lɔɔn ńgwɔ́ ɔ̀ gẅiin menÿɔ́g mú mémbʉ́a mé piŋ ḿma’a gú tsɛ̀ɛ jʉ’ʉ mmɔ̌g,

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Heber 4:11

Pú’u la, pege kag tʉ̀, ńkúu tsɛ̀ɛ yɛ̌ sẅétè, pege gÿo nà ntí gie à tsɔ̌ tà’ nyìŋ ná pege à tě ge tʉʉ twó pá’ metá pégè, ésɔ́ɔn wɔ́.

Ŋwà’ne Ngyà jʉ’ 21:27

Tá’ atsɔ́ mmó gie ncÿǒ ée mǒ, á té gÿo tɔ́g tà kúu wó wɔ́. Tà mbɔɔ sɔɔn nyìŋ á ná pàgÿo menò ncÿǒ, mbɔɔ nà megàŋa cÿɔ̌ nò. Ndà’ pʉ̀a pie mezíŋ mɔ́b ée tsɛ̀ɛ ŋwà’ne Mûɔ *Njʉ̀njÿò gie lezíŋ pʉ̀a pie pɔ́ gẅiin le gwɔ́ tèmì ée tsoló, ge lá’ kúu wó.