Matio 18:6 - Nouveau Testament en Ngienboum

⁶ Tá nyìŋ gẅie à kě ńtsóte tsɔ̌ tà’ nà mecʉ̀cʉ̀ŋ pɔɔn pie pɔ́ záb ntʉ́m ná mèŋ, ńtsóte wɔ́b légwɔ́ gie pɔ́ ge fʉa nò, mbà mvfò áa pá’ ngwɔ́ me cʉŋé máamáa tóon lóŋ ngàŋ, ńtsó yé, ḿma’a tsɛ̀ɛ mí á jʉ’ʉ zème.

Matio 18:6 ပူးပေါင်းရင်းမြစ်များ

Matio 17:27

Tá’ tà pɔgɔ gÿo nò pÿɔ́g pàkẅé ncùb. Gʉa ntse ḿma’ lezɔ́b. Ɔ̀ ge gwoon ndùŋ mvfò mbab ssó, é nyɛ́’ ncwò we, é gyá pàga nkáb, é kẅile lɔg gʉa ma’ yɔgɔ ncùb.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Matio 18:14

Áa mmó gie á gÿo tá, Tá gẅi gẅie aa tÿǒ lepwó tè kwoŋ ngie tsɔ̌ tà’ nà gubé yé pyé wɔ́.

Matio 18:5

Nyìŋ lɔg lezíŋ sɔ́ɔn ńkúe mùɔ memúɔ pá’ wɔɔn lɔɔn, mbà ngàŋ kúe pɔ́ wɔ̀ɔn.

Malékuse 9:42

Tá’, nyìŋ gẅie à ké ńtsóte tsɔ̌ tà’ nyìŋ nà mecʉ̀cʉ̀ŋ pɔ́ɔn pie pɔ́ záb ntʉ́m ná mèŋ, légwɔ́ gie à ge fʉa nò, mbà ngɔ́’ gie e ge lá’ kúu ngàŋ, e ge gwɔ́ gie e pǔ ńgyɔ́ɔn, tà mvfò gwɔ́ ndà’ pá’ à lɔɔn ńgwɔ́ mé cʉŋe máamáa tóon lóŋ ngàŋ, ḿma’a yé tsɛ̀ɛ mí.

Megàŋ ntúm 9:5

Sɔ̂l zɛ́te ngie: Aa gù wɔ̌ Cʉ̀apʉ̀a? Angàŋ tsɔ́’ ngie: Mèŋ n gee Yěsô. Ɔ̀ tsɔ́’ɔ pá’a pɔ́ kwò yɔ́ɔn té poŋ.

Roma 14:21

Ammó gie áa mbòŋ, aa lélʉ’ʉ kɔ̀ɔkɔ́ɔ gie ńgwɔ́ fɛ́ gù kwɔɔnte mǒ ńgwe ssé, kà ńgwɔ́ á gwɔ́ pɔ́ lépfɛ́ mbab wɔ́, kà lénú melù’ wɔ́.