Matio 18:5 - Nouveau Testament en Ngienboum

⁵ Nyìŋ lɔg lezíŋ sɔ́ɔn ńkúe mùɔ memúɔ pá’ wɔɔn lɔɔn, mbà ngàŋ kúe pɔ́ wɔ̀ɔn.

Matio 18:5 ပူးပေါင်းရင်းမြစ်များ

Matio 18:4

Nyìŋ gẅie à sẅe’é mbùm yé ńnáa ssé tà ńcʉ́’ pá’ cʉ̀cʉ̀ŋ yɔɔn la, aa nyìŋ gẅie aa ndÿò tsɛ̀ɛ *lefùɔ Ssé.

Matio 18:6

Tá nyìŋ gẅie à kě ńtsóte tsɔ̌ tà’ nà mecʉ̀cʉ̀ŋ pɔɔn pie pɔ́ záb ntʉ́m ná mèŋ, ńtsóte wɔ́b légwɔ́ gie pɔ́ ge fʉa nò, mbà mvfò áa pá’ ngwɔ́ me cʉŋé máamáa tóon lóŋ ngàŋ, ńtsó yé, ḿma’a tsɛ̀ɛ mí á jʉ’ʉ zème.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 25:45

Fùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la tè gÿó mɔɔn menò á ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi la gíŋe tè mmó ná mèŋ gÿo.

Matio 7:8

Nyìŋ lúɔ mmó, mbà mé ge náa mbwó yé, éfa’, mbà à ge gyá, ḿbiŋ ńkwá’te ncwò ndá, mbà mé ge tsɔ́’ e ná né yé.

Malékuse 9:37

Nyìŋ lɔg lezíŋ sɔ́ɔn, ńkúe mûɔ memûɔ pá’ wɔɔn lɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà ngàŋ tě ńkúe pɔ́ ndà’ wɔ̀ɔn mɔ́, à kúe pɔ́ nyìŋ gẅie à la túmo wɔ̀ɔn.

Malékuse 9:41

Mèŋ shwóŋó gẅí, kwà’ nénʉ́, nyìŋ lɔɔn ńgwaa náa méjʉ’ʉ ntse né pi, ńnáa, mélà’mie pi ee pʉ̀a pɔ́ɔn, mbà wé ntsɔ’ɔ́ fà’ téen ńdá’a ḿbyé wɔ́.

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Ŋwà’ne Jâŋ 13:20

Tà mèŋ shwóŋó gẅí, kwà’ nénʉ́, nyìŋ lɔɔn ńkúe nyìŋ gẅie mèŋ n tumó yé, mbà à kúe pɔ́ wɔ̀ɔn. Nyìŋ gẅie à pǐŋ ńkúe wɔ̀ɔn, à kúe pɔ́ nyìŋ gẅie à túmo wɔ̀ɔn.

Galatia 4:14

Á laa fʉ’ó, mbà guɔ cǔɔ wɔ̀ɔn tɛ’ tà mèŋ m bú ḿbÿɔ́g. Tá pi ké tè wɔ̀ɔn nyìŋe, ńké tè wɔ̀ɔn gwá’. Tà ńcʉ́’ pú’u, mbà pi la kúe wɔ̀ɔn pɔ́ pá’ *cÿɔ́’ Ssé, kà pɔ́ pá’ Yěsô Kristo wɔ́ la.