Matio 18:3 - Nouveau Testament en Ngienboum

³ ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 18:3 ပူးပေါင်းရင်းမြစ်များ

Matio 13:15

Á nue ntʉ́m pà lá’ pɛ̂ leen shÿɔg pɔ́ leen ńziŋe metuŋó mɔ́b, ńkábte menÿɔ́g mɔ́b, ńdɔgɔ tě ńkwoŋo lélɔg menÿɔ́g mɔ́b ńgyá jʉ’ wɔ́, lélɔg metuŋó mɔ́b ńjú’u nò wɔ́, lélɔg legye sɔ́b ńkwaŋa nò wɔ́. Pɔ́ té kwoŋo lékube mà wɔ́b gwɔ́, ńdɔgɔ tě ńkwoŋo ngie n gÿo pɔ́ zeŋe wɔ́».

Matio 18:2

Yěsô tóŋo mùɔ memúɔ, ńtÿɔ́gɔ yé mvfò pɔ́b,

Matio 18:4

Nyìŋ gẅie à sẅe’é mbùm yé ńnáa ssé tà ńcʉ́’ pá’ cʉ̀cʉ̀ŋ yɔɔn la, aa nyìŋ gẅie aa ndÿò tsɛ̀ɛ *lefùɔ Ssé.

Matio 19:14

Yěsô gɔɔn ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b, èpʉ̀a pie ée pá’ gubé zɔ̌ gẅiin nò ná *lefùɔ Ssé,

Matio 19:23

Yěsô gɔɔn mbwó *ngàŋa kwò yé ngie: Mèŋ shwóŋó gẅí, kwà’ nénʉ́, ngie: Á tʉʉ mbwó ngàŋa mmó lézẅíŋ ngie e Ssé zɔ cʉ́’ʉ sá’a yé.

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:2

Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Malékuse 4:12

Á gwɔ́ pú’u, tá ńgwɔ́ pá’ mé la ŋwe’e ngie: pɔ́ ge ne líe jʉ’, é ké le mmó gyá é ne jú’u jʉ’, pɔ́ le jú’ tà ńjú’ wɔ́ Á gwe’e pé’e á té pú’u wɔ́, mbà pɔ́ piŋe mbwo Ssé, á lege menò tepòŋ mɔ́b.

Lukase 13:24

Pi fa’ shÿó pɔ́ létɔ́gɔ nà ncwò ndá gẅie é kʉ́mte kʉmté. Pi zsé mboŋó ngie pʉ̀a tà ńgyɔ́ɔn ge lá’ fa’a lékúu wó, é piŋ ké le ku’.

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

Ŋwà’ne Jâŋ 1:51

Yěsô gíŋe ńkẅi’i ńgɔɔn ngie: Tà mèŋ shwóŋó gẅí, kwà’ nénʉ́, pi ge gÿo gyá ncwò tÿǒ lepwó tsɔ́’ɔ ńtyé, *mecÿɔ́’ Ssé ne fóo wó, ésẅɛ́’ɛ ḿbiŋe ńkwɔ́’ɔ, ńtóo ná *Míŋ Nyìŋ.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Megàŋ ntúm 28:27

Oon, álá’ yɔɔn pú tè ne ńkwoŋo lé jú’u tsɔ́ mmó wɔ́. Pɔ́ kéen ńziŋe metuŋó mɔ́b, pɔ́ kéen ńtsɛ́ nÿɔ́g mɔ́b. Pɔ́ ka tè ne ńkwoŋo lélɔg nÿɔ́g mɔ́b ńgyá jʉ’ wɔ́, ńké tè ne ńkwoŋo lélɔg metuŋó mɔ́b ńjú’ wɔ́. Pɔ́ té kwoŋ ngie à kúu tsɛ̀ɛ ntʉ́m pɔ́b wɔ, ńké ńgÿote pɔ́ pú’u, ńzsé ngie pɔ́ té piŋe mbwo mèŋ Ssé, n zeŋe wɔ́b gwɔ́.

Megàŋ ntúm 3:19

Pú’u lá, pi ké ńkúbe mà gẅi, ḿbiŋe mbwo Ssé. À lege menò tepòŋ mí.

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.