Matio 18:15 - Nouveau Testament en Ngienboum

¹⁵ Àfɛ́ gù lɔɔn gÿo no tepoŋ na gù, ɔ̀ gʉa ńgyá yé, pi yé tyé jʉ’ mépʉ́a, ɔ̀ shwóŋó yé. Á jú’, tà ńzẅíŋe mefʉa, mbà ɔ̀ kẅilé yé ná mánzsè tepòŋ

Matio 18:15 ပူးပေါင်းရင်းမြစ်များ

Matio 18:14

Áa mmó gie á gÿo tá, Tá gẅi gẅie aa tÿǒ lepwó tè kwoŋ ngie tsɔ̌ tà’ nà gubé yé pyé wɔ́.

Matio 18:21

Piɛ leen ńké ńtó ńzɛ́te Yěsô ngie: À Nde, àfɛ́ wɔ̀ɔn lɔɔn fʉa nò mbwó mèŋ, mèŋ n dege ńnáa mbwó yé ngʉ̀a shÿɔ́’ɔ? Ngʉ̀a sɔɔn mbʉ́a kêen

Matio 18:35

Yěsô cʉ́me ńgɔɔn ngie: Áa ndʉŋ ndʉŋ pá’ Tá wɔ̀ɔn gẅie aa tÿǒ lepwó, à ge gÿo nà wɔ̌wɔɔ tsetsɛ̀ɛ pi, pá’ à lɔɔn tè lege mefʉa fɛ́ we nê ngwòŋ ntʉ́m we ntsèm wɔ́.

Roma 12:21

Tà nyìŋ cʉ́’ nò gie nyìŋ gÿǒ ná yé tsóte yé, á gÿo nò tepòŋ, tà ńcʉ́’ pú’u, á lɔgɔ légÿo nò mbòŋo, ḿbyága nò tepòŋ.

1 Korento 8:12

Pi gÿo nò tepòŋ ná yɔɔn ntí á nà mefɛ́ pi, á légÿo mmó gie á ge gege wɔ́b tsɛ̀ɛ ntʉ́m wɔ́b gẅie é nyé ḿbÿɛ́ pÿɛ́, mbà pi gÿo nò tepòŋ pɔ́ ná Kristo.

2 Korento 7:12

Pá’ n ka ŋwe’e ŋwà’ne ńnáa mbwo pi la, n kɔ̌ɔn tě ńŋwe’e ńtí megàŋ mefʉa wɔ́, ńké tě ńŋwe’e ńtí nyìŋ gẅie mé gÿǒ nò tepòŋ ná yé wɔ́. N kɔ̌ɔn ńŋwe’e pɔ́ ngie pi tyé mvfò Ssé, ńgyá ntí gie pi lɔg sẅɛte ná nó yég.

Galatia 6:1

Mefɛ́ mefɛ́, pi lɔɔn ńkeme nyìŋ á ne fʉa nò, pi lɔg pá’ pi ne ńjú’u mbwo Zẅìge Ssé ńgÿo ngàŋ piŋe ná mánzsè gẅie aa ndʉŋ ndʉŋ. Tá ńcʉ́’ʉ légÿo ńdɔg pɔ́ mbʉ́lè. Wɔ̌wɔ́ɔ ná pi wɔ́ piŋ ḿbɔ́ɔn twó yé ḿbɔ́gɔ légwɔ́ gie à ge gwe yé tsɛ̀ɛ nkwà’te.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

1 Tesalonika 4:6

Tá á gʉa nà nò manzwě, tà nyìŋ gÿo nò tepòŋ ná fɛ́ we, tà á zɔɔn fó fʉte yé fʉte, mélà’mie Cʉ̀apʉ̀a wege ge lá’ néŋ ngɔ́’ twó pʉ̀a pie pɔ́ gÿo pú’u. Peg la lá’ shwóŋó gẅi tà shwóŋ.

2 Tesalonika 3:15

Tá’, ḿbɔ́ɔn gẅi lélɔgɔ yé ńgÿo ngàŋ mbù gẅi. Pi kaga yé pɔ́ pá’ à lɔɔn ńgwɔ́ nyìŋ kaga fɛ́ we.

Titus 3:10

Nyìŋ lɔɔn ńgwɔ́ nyìŋ gẅie à ma’a fagte, ɔ̀ pebe yé tà’ legʉ̀a à tè jú’, ɔ̀ pɔ́ɔnte ńgíŋ ḿbebe yé à tè jú’, tà pi yé gíŋe ńteme nò.

1 Piɛ 3:1

Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.