Matio 18:11 - Nouveau Testament en Ngienboum

¹¹ Á nue *Míŋ Nyìŋ la tó pɔ́ léfa’ pʉ̀a pie pɔ́ la kúu pyé é gÿo pɔ́ tsẅɛ́]

Matio 18:11 ပူးပေါင်းရင်းမြစ်များ

Matio 10:6

Pi gʉa fa’ pɔ́ *menjʉ̀njÿò Ssé mie ée tsɛ̀ɛ mendá pà Israel, mbà é la pyé.

Matio 15:24

Yěsô tsɔ́’ ngie: E Ssé la túmo wɔ̀ɔn pɔ́ ndà’ mbwó *menjʉ̀njÿò mie é la pyé tsɛ̀ɛ ngẅɛ̀ ndá pà Israel.

Matio 18:12

Pi cʉ́’ m bíge gẅi yɔɔn nò: Nyìŋ lɔɔn ngwe’e ńgẅiin *menjʉ̀njÿò mé nkÿo, tà’ pyé, mbà à ge gaa? Mbà à tè nyé metsɔ́ ntsɔ́b lepfwɔ’ɔ́ lê móm lepfwɔ’ɔ́ ndùm lekwɔ’ɔ́, é gʉa fa’ gie pyě wɔ́?

Matio 9:12

Yěsô jú’ pá’ pɔ́ gɔ̌ɔn, ésaga mbwó pɔ́b ngie: Ńgwɔ́ nyìŋ le gwɔ́ ńtentʉ́, ńgʉa fa’a ngÿo meffo wɔ́, nyìŋ guɔ tá fa’a yé.

Lukase 15:24

ńtí pá’ míŋ wɔ̀ɔn mɔɔn à ka kwě, à zǐm, à ka pyě, n giŋé ńgyá yé. Á gɔɔn pú’u, pɔ́ zye lékág.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

Lukase 9:56

Pi zsé ngie *Míŋ Nyìŋ kà te tó légÿo pʉ̀a mesoŋ kúu pyé wɔ́, à la tó pɔ́ légÿo pɔ́ tsẅɛ́]. Pâ pɔ̌ cʉ́’ ńgʉa pɔ́ le tsɔ́ lá’a ndyɛ̀’ɛ, ńdúɔ jʉ’.

Ŋwà’ne Jâŋ 10:10

Antsǒŋ tó yé pɔ́ léjʉ, pɔ́ lézẅé, pɔ́ lécʉŋte. Mèŋ n ka tǒ légwɔ́ gie pʉ̀a mesoŋ ge gẅiin le gwɔ́ gẅie aa kwà’ wɛ̌ pɔ́ ntsèm.

Ŋwà’ne Jâŋ 12:47

Nyìŋ lɔɔn ńjú’u shwóŋè yɔ́ɔn à tè kú’te, mbà mèŋ n zɔ tè ŋaga yé wɔ́. Á nue n da tè tóo tsɛ̀ɛ njÿó léŋag pʉ̀a wɔ́. N da tó légÿo pʉ̀a tsẅɛ́.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.