Matio 17:4 - Nouveau Testament en Ngienboum

⁴ Piɛ leen ḿvege vege, ńgɔɔn mbwó Yěsô ngie: Cʉ̀apʉ̀a, á pǒŋ pá’ pege ee jʉ’ɔɔn lɔɔn. Zẅíŋe mèŋ n juŋ *mentàb méntá, tà’ gwɔ́ jù, tà’ gwɔ́ ye Mǒsê, yetsɔ́ gwɔ́ ye *Elîɛ.

Matio 17:4 ပူးပေါင်းရင်းမြစ်များ

Matio 17:3

Pɔ́ gyá, mbà Mǒsê pɔ́ *Elîɛ vegé vege ńkẅɛ, pâ Yěsô ne shwóŋe.

Lukase 9:33

Pâ pɔ̌ la cʉ́’ʉ ne ńgee pɔ́ fegé, Piɛ shÿɔg shÿɔg tà ńgɔɔn né Yěsô ngie: Tá weg, pege lɔɔn ńcʉ́’ʉ ńnéŋe pɔ́ jʉ’ɔɔn, á gwɔ́ mbòŋ. Zẅíŋe peg kwɛ́ méntàb méntá, tà’ gwɔ́ gù, wetsɔ́ gwɔ́ we Mǒsê, wetsɔ́ gwɔ́ we *Elîɛ. Piɛ gɔɔn yé pú’u, à tě ńzsé mmó gie à gɔɔn wɔ́.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 7:2

Á gwaa gwɔ́, alínɔ́ɔn pà Yuda gie mé tóŋo le línɔ́ɔn *mentàb ne ḿbɔ́ɔnte.

Filipo 1:23

Menò mémbʉ́a mɔɔn mvfò mèŋ. Mèŋ n ne ńtsɔ́ɔn léfó ndùmo ssé tsetsá’ ńgʉa peg Kristo zɔ̌ cʉ́’ʉ ńnéŋe. Áa yɔ́ɔn twó ye mbòŋo mǒ.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Ŋwà’ne Ngyà jʉ’ 21:23

Shʉ́shÿɔ́g Ssé ne ńkyɛ’ɛ yɛ̌ tÿǒsoŋ, kyɛ’ mûɔ *Njʉ̀njÿò gíŋe ne ńkyɛ’ɛ yé. Tà yɛ̌ tÿǒsoŋ té gíŋe ne ńtsɔ́ɔn ngie nèm tʉ́a wó wɔ́, ńké tè ne ńtsɔ́ɔn ngie saŋ kyɛ’ jʉ’ wó wɔ́.