Matio 17:20 - Nouveau Testament en Ngienboum

²⁰ Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Matio 17:20 ပူးပေါင်းရင်းမြစ်များ

Matio 13:31

Yěsô gíŋe ńgɔɔn tsɔ̌ sagá nò mbwó pɔ́b ngie: Ànò *lefùɔ Ssé leen ńgwá’a tsɔ̌ ntí lesɔ́ɔn sésɔg sie nyìŋ la pí ḿbye nká’ yé.

Matio 14:29

Yěsô gɔɔn né ye ngie: Tóo! Piɛ kẅɛɛ tsɛ̀ɛ kanú’, ńne ńgiŋe ndùm ntse légʉa ńzá’a yé.

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Matio 17:19

Pâ *ngàŋa kwò yé gÿo ńgwɔ́ gíle pɔ́b, pɔ́ zɛ́te yé ngie: Àkɔ́ ně ńgÿo, peg tè ku’u léjwoŋ *ssé tepòŋ ŋwɛ́ wɔ́?

Matio 17:9

Pâ pɔ́ gÿo ne fóo ndùm lekwɛ́ ńcwóŋo, á tsẅiŋe wɔ́b ngie, tà pɔ́ kím tà nyìŋ ndyɛ̀’ɛ lwo ńzsé mmó gie pɔ́ gyǎ, tà ndá’ ńkú fʉ̀’ gie *Míŋ Nyìŋ zimé nà legwé.

Matio 21:21

Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí

Matio 8:26

Á gɔɔn né pɔ́b ngie: Pi pɔ́gɔ kɔ́? Pi tè záb ntʉ́m nà Ssé fʉ̀’ ntsèm wɔ́! Ńgɔɔn pú’u, ńdu ssé, ńcÿɔ́gɔ fóm pɔ́ ntse. Ejʉ’ láŋte lê kěm.

Malékuse 11:22

Yěsô tsɔ́’ɔ mbwo pɔ́g ngie: Pi záb ntʉ́m gẅi nà Ssé.

Malékuse 11:23

Mèŋ shwoŋo gẅí, kwà’ nénʉ́, nyìŋ gẅi lɔɔn ńgɔɔn mbwo lekwɛ́ ngie efó jʉ’ɛ̂, ńgʉa ńtyé tsɛ̀ɛ ntse té pàa, ńgɔɔn té ne ḿmʉ́’te, ńzáb ntʉ́m nà Ssé, mbà Ssé ge zẅíŋ à gwɔ́ pú’u.

Malékuse 4:31

É leen sẅé mbyè mmó gie e kɔ̌g pá’ tsɔ̌ ntí lesɔ́ɔn sésɔ́g. Mé gwaa ma’, é pú ńkɔ́g ńcʉa metsɔ́ membyè shúm léjÿó sie mé pye nká’.

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Lukase 1:37

À lɔɔn ńgwɔ́ nò le Ssé cʉa

Lukase 17:6

Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.

Lukase 18:27

Yěsô gɔɔn ngie: Anò gie á cʉa pʉ̀a mesoŋ, á té Ssé cʉa.

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

1 Korento 12:9

A Zẅìge ŋwɛ́ zɔ̌ gíŋe ńgÿo wetsɔ́ nyìŋ gwɔ záb ntʉ́m wé nà Ssé tɛ’, wetsɔ̌ gẅiin légÿo megùɔ zeŋe.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

Heber 3:19

Pege lɔgɔ ńgyá ngie pɔ́ la tè kúu tsɛ̀ɛ sẅétè gie e Ssé la ka’a mbwo pɔ́b wɔ́, mélà’mie pɔ́ la tè jú’u nò gie à gɔ̌ɔn, ńzẅíŋ wɔ́.