Matio 17:18 - Nouveau Testament en Ngienboum

¹⁸ Pɔ́ lɔgɔ yé ńtó, Yěsô cÿɔ́g *ssé tepòŋ, é kẅɛɛ ná múɔ ŋwɛ́, á gwóon sẅéte pɔ́ fʉ̀’ó.

Matio 17:18 ပူးပေါင်းရင်းမြစ်များ

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Matio 17:19

Pâ *ngàŋa kwò yé gÿo ńgwɔ́ gíle pɔ́b, pɔ́ zɛ́te yé ngie: Àkɔ́ ně ńgÿo, peg tè ku’u léjwoŋ *ssé tepòŋ ŋwɛ́ wɔ́?

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Malékuse 1:34

Yěsô gÿo meguɔ ntí ntí ná pʉ̀a tà ńgyɔ́ɔn mag, ńgíŋe ńjwoŋ *messé tepòŋ, éfóo ná pʉ̀a ńkẅɛɛ. À lɔ̌ɔn tě ńzẅíŋe tà tsɔ̌ *Ssé tepòŋ ŋwɛ́ gɔɔn nò wɔ́, mélà’mie pɔ́ la ne ńzsé nyìŋ gẅie aa wɛ̌.

Malékuse 5:8

Nyìŋ ŋwɛ́ la gwaa gɔɔn pú’u, á gwɔ́, mbà Yěsô tsẅǐ né *messé tepòŋ ngie pɔ́ fó ná yé ńkẅɛ.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 8:29

ńgɔɔn pú’u, mélà’mie á la gwaa gwɔ́, mbà Yěsô cÿɔ̌g yɛ̌ *ssé tepòŋ ngie e fóo ná yé ńkẅɛ. E *ssé tepòŋ ŋwɛ́ laa pá’ɔɔn, mbà é zyě ńtó, ḿbége yé. E lɔ̌ɔn ńgwɔ́ tà ńgwoon yé, á lu ssé ńkÿo, mé jwoŋo yé ńgwoon, ńdɔgɔ metsɛ̂n ńkwɛ́ɛ yé, ńnéŋe *kɔ̌’ mekwò ye. Á zá’te tsɛ̂n, ḿbwɔ́’ɔ *kɔ̌’, e ssé ŋwɛ́ lɔgɔ yé ńkÿo pɔ́ ne nkwòŋo tsẅɛ.

Lukase 9:42

Tá múɔ ne ńdɔgɔ yé ńtóo, essé tepòŋ ŋwɛ́ gíŋe ńgwoon yé ńtéme ssé, á pʉ́’ lê tʉ̀. Yěsô leen ńcÿɔ́g *ssé tepòŋ ŋwɛ́, á kyɛɛ múɔ ńnyé á sẅéte. Yěsô kíbe pwó yé, ńnáa yé né tá we.

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.