Matio 16:28 - Nouveau Testament en Ngienboum

²⁸ Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 16:28 ပူးပေါင်းရင်းမြစ်များ

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 16:13

Yěsô gʉa tà ńkúu Sezare gẅie Filib lɔ̌ɔn sá’a, ńzɛ́te *ngàŋa kwò yé ngie: Àlá’ áa pá’ɔɔn ńne ńgɔɔn ngie: *Míŋ Nyìŋ aa wɔ̌?

Matio 24:3

Yěsô gʉa tà ńnéŋe ndùm lekwɔ’ɔ́ metÿǒ mèvɛ olive, *ngàŋa kwò yé fag nnɛ́ ńtó ńzɛ́te yé ngie: Shwóŋo wég fʉ̀’ gie yɔɔn nò ge lá’ gÿo. Shwóŋo wég liŋé gie mé ge lá’ lɔg zsé ngie ɔ̀ ne ńtóo, mbɔɔ gie á ge gyo mé zsé ngie lyɛ̌’ gie njÿó ge mag kǔ’.

Matio 24:34

Mèŋ shwóŋó gẅí, kwà’ nénʉ́, pʉ̀a pie ee tsɛ̀ɛ njÿó fʉ’ɔɔn té ńge lá’ kwéte tà mag té gwɔ́ gie mɔɔn menò ntsèm é tǒ wɔ́.

Matio 24:42

Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Malékuse 13:26

Mé leen ńké ńgyá «*Míŋ Nyìŋ gwɔ́ tsɛ̀ɛ melɔ́ɔn, ńne ńtóo», ńgẅiin shʉ́shÿɔ́g mbɔɔ máamáa metʉ̀.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Malékuse 9:1

Yěsô gíŋe ńgɔɔn né pɔ́b ngie: Mèŋ shwóŋó gẅí, kwà’ nénʉ́, ngie: Etsɔ́ ntá’ ná pʉ̀a pie pɔ́ ée jʉ’ɔɔn fʉ̀’ɔɔn té ge gÿo kwé té gwɔ́ gie pɔ́ lɔ̌g nÿɔ́g ńgyá *Lefùɔ Ssé pá’ é tóo lê shʉ́shÿɔ́g wɔ́.

Lukase 18:8

Tà mèŋ n ké shwóŋó gẅí, à tè láté létó ńkẅéte wɔ́b gwɔ́. Tá’, tà á pá’ɔɔn, *Míŋ Nyìŋ gÿo ńgwaa tóo ndùmo ssé tsetsá’, ńgyá pʉ̀a mesoŋ ne ńzába ntʉ́m nà Ssé?

Lukase 2:26

Mbà à la lá’ ńtʉ́ njÿó shwóŋó yé ngie à těen ńdá’a ńkwé té gwɔ́ gie à zabá léjÿɔ́g ná *Nzà’nkÿo gẅie à tǔm wɔ́.

Lukase 9:27

Pi cwoŋo ńzsé ngie, tsɔ́ ntá’ ná pʉ̀a pie pɔ́ ee jʉ’ɔɔn fʉ̀’ɔɔn té gÿo kwé té gwɔ́ gie pɔ́ lɔ̌g nÿɔ́g ńgyá *lefùɔ Ssé wɔ́.

Ŋwà’ne Jâŋ 21:22

Yěsô tsɔ́’ɔ mbwo yé ngie: Mèŋ n dɔɔn ńkwoŋ ngie à gwɔ́ pɔ́ wó tà mèŋ n dá’ ḿbiŋ nzèm, mbà à jú áa mǒ ńgwɔ́ kɔ́? Cʉ́m jú pɔ́ nzèm mèŋ.

Ŋwà’ne Jâŋ 8:51

Tà mèŋ shwóŋó gẅí, kwà’ nénʉ́, nyìŋ lɔɔn ńgiŋe nà shwóŋè gie mèŋ n gɔ̌ɔn, mbà ngàŋ tě ńdá’a ńkwé wɔ́.

Ŋwà’ne Jâŋ 8:52

Epʉ̀a gɔɔn né Yěsô ngie: Áa nà fʉ̀’ɔɔn, mbà peg zsě ngiessé tepòŋ ee ná gú. Ábalam la kwé, pà *ntsẅì nkʉ̀ Ssé gíŋe ńkwé yɔ́b, ɔ̀ piŋ ne ńgɔɔn ngie: Nyìŋ lɔɔn ńgiŋe nà shwóŋè jú, á le lá’ ńkwé wɔ́.

Megàŋ ntúm 1:11

ńgɔɔn né pɔ̌b ngie: Pà Galilea, pi tyě náŋte tÿǒ lepwó mélà’a kɔ́? Yěsô wɛ̂ gẅie Ssé fǒ mbwo pi ésa’a yé ńdɔg ńgee tÿǒ lépwó lɛ̀, à ge gÿó gíŋe piŋ nzèm pɔ́ na ntí gie pi gyǎ á lɔgɔ ńgee lɛ̀.

1 Korento 15:23

Tá’ wɔ̌wɔ́ɔ zím pɔ́ nà yé fʉ̀’. Kristo la vɔg ńzím. Epʉ̀a pé ge lá’ zím yɔ́b, á fʉ̀’ gie à ge lá’ gíŋ tó.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

2 Piɛ 1:16

Peg ka tè gwɔ shwóŋó gẅi pá’ Yěsô Kristo, Ndè wege ge gÿo tó, lê shʉ́shÿɔ́g, éfó pɔ́ ná menò pú’kwɔ́b mie peg neŋé ssé ńdɔg legyè ńdʉ’te wɔ́. Peg ka fó ná pá’ peg lɔ̌g nÿɔ́g még ńgyá legú’ we.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.