Matio 16:27 - Nouveau Testament en Ngienboum

²⁷ Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 16:27 ပူးပေါင်းရင်းမြစ်များ

Matio 13:41

*Míŋ Nyìŋ ge lá’ túm mecÿɔ́’ pé, pɔ́ fó nùɔ pʉ̀a pé ńkẅile ngàŋ nkwà’te mbɔɔ pʉ̀a tepòŋ,

Matio 13:49

Á ge lá’ gwɔ́ pɔ́ pú’u, ná nzsònzèm lyɛ’ɛ́ lá’. *Mecÿɔ́’ Ssé ge lá’ tó, éfó nùɔ ngàŋa nò nénʉ́, éfag pʉ̀a tepòŋ,

Matio 24:30

Àliŋé *Míŋ Nyìŋ leen ńké ńkẅɛɛ lefaŋ. «Mengwòŋo mengwòŋ mie ée ndùmo ssé tsetsá’ kɔ́’ legwé ńdʉa, mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn tÿǒ lefaŋ ne ńtóo, ńgẅiin shʉ́shÿɔ́g mbɔɔ máamáa metʉ́»,

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Malékuse 14:62

Yěsô tsɔ́’ ngie: Mèŋ n ge wɛ̌. Pi ge gÿo gyá «*Míŋ Nyìŋ ńnéŋe nà gwoŋó pwó tʉ̀ Ssé gẅie tsɔ́ nò té yé cʉa». É gíŋe gyá à fóo tsɛ̀ɛ melɔ́ɔn tÿǒ lepwó ńtóo.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Lukase 21:27

Mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn ńne ńtóo, ńgẅiin shʉ́shÿɔ́g mbɔɔ máamáa metʉ̀.

Lukase 22:69

Tà mbɔɔ pú’u, áa fʉ̀’ɔɔn pá’ɔɔn, mbà á kǔ’ pá’ Ssé ngàŋ metʉ̀ ntsèm ge ńnéŋe *Míŋ Nyìŋ nà gwoŋó pwó yé ye tʉ̀.

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

Ŋwà’ne Jâŋ 21:22

Yěsô tsɔ́’ɔ mbwo yé ngie: Mèŋ n dɔɔn ńkwoŋ ngie à gwɔ́ pɔ́ wó tà mèŋ n dá’ ḿbiŋ nzèm, mbà à jú áa mǒ ńgwɔ́ kɔ́? Cʉ́m jú pɔ́ nzèm mèŋ.

Ŋwà’ne Jâŋ 21:23

Yěsô gɔɔn yɔɔn nò ná wɛ̌ *ngàŋa kwò we pá’ɔɔn, mé gÿo ńcʉ́’ ńgwɔ́ tsetsɛ̀ɛ pʉ̀a pé, éshwóŋte shwoŋté ngie wɛ̌ *ngàŋa kwò we tě ńdá’a ńkwé wɔ́. Tá, mbà Yěsô kaa gɔɔn ngie à tě ńdá’a ńkwé wɔ́ wɔ́. Mbà à gɔ̌ɔn pɔ́ ngie, à lɔɔn ńkwoŋ ngie wɛ̌ nyìŋ gwɔ́ pɔ́ wó tà à lá’ ńgíŋ ńtó, mbà à ye Piɛ áa mǒ ńgwɔ́ kɔ́ wɔ́.

Megàŋ ntúm 1:11

ńgɔɔn né pɔ̌b ngie: Pà Galilea, pi tyě náŋte tÿǒ lepwó mélà’a kɔ́? Yěsô wɛ̂ gẅie Ssé fǒ mbwo pi ésa’a yé ńdɔg ńgee tÿǒ lépwó lɛ̀, à ge gÿó gíŋe piŋ nzèm pɔ́ na ntí gie pi gyǎ á lɔgɔ ńgee lɛ̀.

Roma 14:12

Pege lɔgɔ pá’ɔɔn ńgyá ngie wɔ̌wɔ́ɔ tsetsɛ̀ɛ pege wɔ́ ge lá’ tyé mvfò Ssé, kwà’ yé zɔ píte ncwò wé ná pá’ à kɔ̌ɔn ńgÿo.

Roma 2:6

À tsɔ́’ɔ fà’ ye wɔ̌wɔ́ɔ pɔ́ ná pa’ ngàŋ la lɔg fa’ pú’u,

1 Korento 15:23

Tá’ wɔ̌wɔ́ɔ zím pɔ́ nà yé fʉ̀’. Kristo la vɔg ńzím. Epʉ̀a pé ge lá’ zím yɔ́b, á fʉ̀’ gie à ge lá’ gíŋ tó.

1 Korento 3:13

Mbà e tè tsɔ̌ ntsaŋ wɔ́. Afà’ ye wɔ̌wɔ́ɔ ge lá’ kẅɛɛ mángÿɛ̌. Mé ge lá’ gyá á nà lyɛ̌’ gie mé tsɔ́’te mentsaŋ. Á nue mmɔ̌g ge lá’ cʉa nà fà’ ye wɔ̌wɔ́ɔ tá mé gyá pá’ áa jʉ’ó ńgwɔ́ pú’u.

1 Korento 8:8

Pi zɔɔn ńzsé ngie ammó léjÿó té gÿo tá Ssé kẅi’i ńkwoŋo wégè wɔ́. Pege lɔɔn tè pfɛ́, mbà pege kaa tsɔ́ mmó pyé, ḿpfɛ́, mbà tsɔ́ mmó kaa ná pege kẅi’i.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

Efeso 6:8

Pi kímte ngie, nyìŋ lɔɔn ńgwɔ́ nkwɔɔn, kà ńgwɔ́ pɔ́ ndù nnɛ́ wɔ́, mbà Cʉ̀apʉ̀a ge lá’ cʉ́’ʉ léná ntsɔ’ɔ́ fà’ we wɔ̌wɔ́ɔ, é ná pɔ́ pá’ ngàŋ ka lɔg fa’ mboŋó pú’u.

Kolosia 3:25

Tá ńké ńgwɔ́ gie nyìŋ lɔɔn ńgÿo mmó gie Ssé tè kwoŋ, mbà Kristo ge lá’ ná pɔ́ mmó gie á ku’u ná ye né yé, á nue e Ssé ee ntěen ńtuŋo metùŋ wɔ́.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

1 Tesalonika 4:16

Á ge lá’a lyɛ̌’ áyɛ̌, mé jú’u mmó gie á pÿé, á gwɔ́ pá’ *cÿɔ́’ Ssé we lÿò ge ná ngyè ye tÿǒ gɔɔn nò, ńgwɔ́ pá’ mé ge jú’ ngyè ntàŋ Ssé, kwà’ Cʉ̀apʉ̀a Kristo à fó tÿǒ lepwó ésẅɛ́’, pʉ̀a pie é la gwɔ kwé ńne ńzába ntʉ́m ná ye vɔg ńzíme nà legwé.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

1 Piɛ 1:17

Pi gʉa fʉ̀’ ntsèm gie pi ne sẅíŋte Ssé, pi tóŋ Ssé lê Tá gẅi, pú’u la, pi lɔg melyɛ’ɛ́ lá’ mie pi nyě ńgẅiin tsɛ̀ɛ yɔɔn njÿó, ńnyɛɛ tsɛ̀ɛ gẅi leńnéŋe ngie pi ne ńnáa mekù’ mé. Aa nyìŋ gẅie à zá’ ntsaŋ pʉ̀a mesoŋ té gẅiin tyɛ̀’te, éfó pɔ́ nà mmó gie nyìŋ gÿǒ tá ńzá’ ntsaŋ ngàŋ.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

Jẅide 1:14

Henɔg gẅie aa nà mejwoŋó sɔɔn mbʉ́a léfó ná Adam, à la tʉ́ njÿó ńtsẅi nkʉ̀ Ssé gẅie é líe wɔ́b ńgɔɔn ngie: Pi jú’ Cʉ̀apʉ̀a ge lɔg mecÿɔ́’ pé pe Ndʉalʉ̌a, é tó tà è pú ńgyɔ́ɔn gyɔ́ɔn tà ńgwaa ńgwɔ́ mé le sáŋ ńzsé nzẅìŋ wɔ́.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Ngyà jʉ’ 20:12

M biŋ ńgyá mepfó ssé, é melÿò mbɔɔ penkʉ́, pɔ́ tyéte mvfò lʉŋe lefùɔ. N gíŋ ńgyá pá’ mé nyɛ́’ɛ meŋwà’ne. Mé gÿo ńgíŋe nyɛ́’ɛ yetsɔ́, á gwɔ́ gie mé la ŋwe’e mezíŋ pʉ̀a pie pɔ́ gẅiin légwɔ́ tèmì tsoló. Mé lɔgɔ mmó gie mé la ŋwe’e tsɛ̀ɛ meŋwà’ne ńŋag mepfó ssé, ńŋaga wɔ́b pɔ́ pá’ mefà’ mɔ́b ka gwɔ̌.