Matio 16:26 - Nouveau Testament en Ngienboum

²⁶ Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?

Matio 16:26 ပူးပေါင်းရင်းမြစ်များ

Matio 16:25

Nyìŋ gẅie á ge zɔɔn fa’a lépɔ́ɔn we le gwɔ́, zɔɔ nyìŋ gẅie à ge pyé we le gwɔ́ wó ŋwɛ́. Tá’ nyìŋ gẅie à kě ḿbyé we le gwɔ́ wó mélà’ mɔ́ɔn, mbà wɛ̌ nyìŋ ge lá’ gwɔ́ wɔ́.

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 5:29

Lejÿɔ́g shú sé pwó tʉ̀ lɔɔn ńtsóte gú ɔ̀ fʉa nò, ɔ̀ tsɔ́’ ńgwá’a taa taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.

Lukase 12:20

Tá’, e Ssé gɔɔn né yé ngie: Ɔɔ gʉ̀gʉ̀, mèŋ, n ge lɔgɔ gú gʉa pɔ́ kwà’ lêtsẅɛ́’ lyɛ̌’ɔɔn. Eshúm sie ɔ̀ sěen ńcú’te tsɛ̀ɛ menkìŋ lɛ cʉ́’ se wɔ́?

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Lukase 9:25

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́?