Matio 16:23 - Nouveau Testament en Ngienboum

²³ Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Matio 16:23 ပူးပေါင်းရင်းမြစ်များ

Matio 16:22

Piɛ leen ńké ńtóŋo yé ntsem, ńzye lékaga yé, ńgɔɔn né yé ngie: Cʉ̀apʉ̀a, tà Ssé zẅíŋ yɛ̌ ntí nò gÿo gú! Ńgwɔ́ á le gwɔ́ pú’u wɔ́.

Matio 18:7

Ndoon ee two pʉa pie pɔ ee tsɛ yɔɔn njÿo, ńgÿo pʉa fʉate meno! Aa nenʉ meno mie é lɔɔn ńgwɔ́ é gÿo nyìŋ fʉa manzse, ée tsɛ̀ɛ njÿó tà ńgyɔ́ɔn. Mɛ̌ menò téen ndá’a ńzága wɔ́. Tá’ àshÿó tepòŋ ké ńgwɔ́ nyìŋ gẅie a ge gÿo nyìŋ fʉa manzse!

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Malékuse 8:33

Tá Yěsô sele nnɛ́, ńdíe *ngàŋa kwò yé, ńcÿɔ́gɔ Piɛ, ńgɔɔn le yé ngie: Fó nzèm mèŋ ńtsíŋte nnɛ́ me Sátà, ɔ̀ tě ńkwaŋa pɛ́’ɛ̀, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Lukase 4:8

Yěsô tsɔ́’ɔ mbwó yé ngie: Mé la ŋwe’e tsɛ̀ɛ ŋwà’ne Ssé ngie: Nyìŋ gu’te pɔ́ ndà’ Tá wɔb Ssé yé gílé yé, ḿbiŋe ńjú’ pɔ́ ndà’ ncwò wé

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Roma 14:13

Pú’u, tà pege gíŋe ńŋag mennɛ́ mégè. Ammó gie pi gẅiin légÿo á gwɔ́ pɔ́ pá’ pi ge pɔ́ɔn légÿo tsɔ́ mmó gie fɛ́ gẅi ge kwɔɔnte mǒ à tsóte yé à gÿo nò tepòŋ.

Roma 14:21

Ammó gie áa mbòŋ, aa lélʉ’ʉ kɔ̀ɔkɔ́ɔ gie ńgwɔ́ fɛ́ gù kwɔɔnte mǒ ńgwe ssé, kà ńgwɔ́ á gwɔ́ pɔ́ lépfɛ́ mbab wɔ́, kà lénú melù’ wɔ́.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Kolosia 3:2

Pi nɔ́ɔnte pɔ́ mmó gie áa tÿǒ lepwó, tà pi nɔ́ɔnte gie áa ndùmo ssé tsetsá’.