Matio 16:16 - Nouveau Testament en Ngienboum

¹⁶ Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 16:16 ပူးပေါင်းရင်းမြစ်များ

Matio 1:16

Yakwɔ́b zyé Yesyɛ̂b, Yesyɛ̂b gwɔ́ ndǔm Malîɛ, Malîɛ gwɔ́ má pà Yěsô gẅie mé tóŋo le *Nzà’nkÿo.

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Matio 16:15

Yěsô zɛ́te wɔ́b ngie: Kwà’ pi gí gɔɔn ngie mèŋ n gee wɔ̌?

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Malékuse 14:61

Yěsô láŋte laŋté, à tè tsɔ́b. *Nùŋe pwɔ́’ we lÿò gɔɔn né yé ngie: Ɔɔ *Nzà’nkÿo, á Míŋ Ssé?

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 11:27

Á gɔɔn ngie: Oon me Cʉ̀apùa. Mèŋ, n zẅǐŋ ngie ɔ́ɔ *Nzà’nkÿo, ńgwɔ́ Míŋ Ssé gẅie mé ka né ńzẅí’te ngie à tóo tsɛ̀ɛ njÿó.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 6:57

Tá wɔ̀ɔn zɔ ka túmo wɔ̀ɔn, aa lesa’á le gwɔ́. Mèŋ n dɔgɔ pɔ́ pú’u, ńgwɔ́ wó, áa ndʉŋ ndʉŋ pá’ nyìŋ gÿo ḿpfɛ́ mbab nnɛ́ yɔ̀ɔn, mbà a ge lɔg pɔ́ pú’u, gwɔ́ wó.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 6:69

Peg léen ńdá’ ńzẅíŋ, ńgíŋ ne ńzsé ngie ɔ́ɔ kwà’ nyìŋ gẅie à fóo lejʉ́ŋ Ssé.

Megàŋ ntúm 14:15

Meshǔ pég, pi fa’a légÿo kɔ́ pɛ́’ɛ̀? Peg léen ńgwɔ́ pɔ́ pʉ̀a mesoŋ pá’ pi! Peg tǒ pɔ́ létsẅi nkʉ̀ mbòŋo mbwo pi, é gwɔ́ ngie pi gwá’ messé mɛ́ mie é té tsɔ́ mmó ku’, ésele nnɛ́ ńtó ńkẅɛ́te Ssé gẅie aa ntentʉ́. Yé zɔ la gÿo tÿǒ lépwó pɔ́ tsetsá’, mbɔɔ ntse tê pàa, tà mbɔɔ shúm ntsèm sie ée wó.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Megàŋ ntúm 8:37

[Filib gɔɔn ngie: Ɔ̀ lɔɔn ḿbú ńzáb ntʉ́m ɔ́ ná Yěsô Kristo, mbà tsɔ́ mmó té ge taté gú wɔ́. Nyìŋ Etiopia wa tsɔ́’ ngie: N zẅǐŋ ngie Yěsô Kristo aa Míŋ Ssé,]

Megàŋ ntúm 9:20

Á gwɔ gwɔ, mbà à ka tè zẅí’te tá ńzye légwá ńkú mendá mecú’tè pà Yuda mie ée wó, ńne sá’a ngie Yěsô aa Míŋ Ssé wɔ́.

Roma 1:4

E Ssé piŋ ńzába yé á gwɔ́ Míŋ Ssé, ńgẅiin metʉ̀. Á lɔg pá’ à la gÿo á zíme tsetsɛ̀ɛ mepfó, mbɔɔ pá’ à la ńnéŋe Zẅìge Ndʉalʉ̌a mbwo yé.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

2 Korento 3:3

ńgwɔ́ mé lɔg pɔ́ nÿɔ́g ńgyá ngie pi ee ŋwà’ne gie Kristo la ŋwe’e, ńtúmo wég peg tó ńná. À la tè lɔg pɔ́ nkwòŋ ŋwà’ne tá ńŋwe’e yɛ̌ ŋwà’ne wɔ́, à la gwɔ́ ŋwe’e, ńcʉa pɔ́ nà Zẅìge Ssé, yé Ssé gẅie aa wó, ńgwɔ́ ntentʉ́. À la tè ŋwe’e nà metǎfelé tóon wɔ́, à la ŋwe’e pɔ́ nà ntʉ́m pʉ̀a mesoŋ.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

Heber 10:31

Ammó gie ńgwɔ́ nyìŋ ńnéŋe ḿbɔ́g tɛ’, aa légwe ntsaŋ á mvfò Ssé gẅie aa ńgwɔ́ pɔ́ wó!

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

1 Jâŋ 5:5

Ńgwɔ́ wɔ̌ zɔɔn ńtʉ ńcʉa njÿó? À gwɔ̌ pɔ́ ndà’ nyìŋ gẅie à zẅǐŋ ngie Yěsô aa Míŋ Ssé?

Ŋwà’ne Ngyà jʉ’ 7:2

Mèŋ n gyá tsɔ̌ tà’ *cÿɔ́’ Ssé, á ne fóo shÿó sá’ nèm ńkwɔ́’ɔ né tÿǒ, ńgẅiin mmó gie e Ssé gẅie aa ńgwɔ́ pɔ́ wó, aa ńdɔgɔ ńcÿɔ’ɔ liŋé yé nà mmó. Wɛ̌ *cÿɔ́’ Ssé ne ńdɔgɔ ngyè tetʉ́ʉ ńgɔɔn mbwo *mecÿɔ́’ Ssé lekùa pie mé la túmo wɔ́b ngie pɔ́ gʉa gÿo nò tepòŋ ndùmo ssé tsetsá’, mbɔɔ ná ntse té pàa la ngie: