Matio 16:13 - Nouveau Testament en Ngienboum

¹³ Yěsô gʉa tà ńkúu Sezare gẅie Filib lɔ̌ɔn sá’a, ńzɛ́te *ngàŋa kwò yé ngie: Àlá’ áa pá’ɔɔn ńne ńgɔɔn ngie: *Míŋ Nyìŋ aa wɔ̌?

Matio 16:13 ပူးပေါင်းရင်းမြစ်များ

Matio 12:32

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege ńnáa mbwó yé. Tá nyìŋ ké shwóŋó tepòŋ á nà Zẅìge Ndʉalʉ̌a, mbà á gwɔ́ pɔ́ ná yɔɔn kème njÿó, mé le lege ńnáa mbwó yé wɔ́, e ké le lá’a nà tsɔ́ kème njÿó ńdege ńnáa mbwó yé wɔ́.

Matio 12:40

Ndʉŋ ndʉŋ pá’ Jonase la ńnéŋe tsɛ̀ɛ lepfòm máamáa ssó é lyɛ̌’ tá la; *Míŋ Nyìŋ ge lá’ gÿo yé lyɛ̌’ tá tsɛ̀ɛ tsetsá’.

Matio 12:8

Yěsô gíŋe ńgɔɔn né pɔ́b ngie: *Míŋ Nyìŋ zɔ zɔɔn ńgẅiin légɔɔn mmó gie à lɔɔn ńgwɔ́ mé gÿo nà lyɛ’ɛ́ nzse pa Yuda.

Matio 13:37

Á gɔɔn né pɔ́b ngie: Nyìŋ gẅie à pye mmó mbòŋo aa *Míŋ Nyìŋ.

Matio 13:41

*Míŋ Nyìŋ ge lá’ túm mecÿɔ́’ pé, pɔ́ fó nùɔ pʉ̀a pé ńkẅile ngàŋ nkwà’te mbɔɔ pʉ̀a tepòŋ,

Matio 15:21

Yěsô gÿo fó jʉ’ó ńgʉa ná tsɔ́ pàga ngwòŋ, á shÿó tÿǒsoŋ Tir pɔ́ Sidoŋ,

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Matio 9:6

Mèŋ n ge ké nyɛɛ gẅi ngie: *Míŋ Nyìŋ aa ndùmo ssé tsetsá’, mbà mé la ná metʉ̀ né yé lélɔg ńdege menò tepòŋ pʉ̀a mesoŋ ńnáa mbwó pɔ́b, ńdeen ńké ńgɔɔn né ngàŋa kẅʉ́’te ngie: Lu ssé, ńkaa páŋte gù, ńdɔg ńgʉa né mbʉ̀a gù.

Malékuse 10:45

*Míŋ Nyìŋ la zɔɔn tè tóo ndùmo ssé tsetsá’ pɔ́ pá’ pʉ̀a mesoŋ ge fa’a mbwo yé wɔ́, à la tó pɔ́ léfa’a mbwo pʉ̀a mesoŋ, éfa’ fa’ tà gíŋe ńnáa twó yé lélɔg ńcu’ pʉ̀a tà ńgyɔ́ɔn.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Ŋwà’ne Jâŋ 1:51

Yěsô gíŋe ńkẅi’i ńgɔɔn ngie: Tà mèŋ shwóŋó gẅí, kwà’ nénʉ́, pi ge gÿo gyá ncwò tÿǒ lepwó tsɔ́’ɔ ńtyé, *mecÿɔ́’ Ssé ne fóo wó, ésẅɛ́’ɛ ḿbiŋe ńkwɔ́’ɔ, ńtóo ná *Míŋ Nyìŋ.

Ŋwà’ne Jâŋ 12:34

Alá’ tsɔ́’ɔ mbwo yé ngie: Peg la jú’u tsɛ̀ɛ ŋwà’ne Ssé ngie: *Nzà’nkÿo ge lá’a gwɔ́ pɔ́ wó. Ɔ̀ piŋ ngǎ ńgɔɔn ngie, mé ge kwé’e *Míŋ Nyìŋ náa tÿǒ? *Míŋ Nyìŋ ŋwɛ́ aa wɔ̌?

Ŋwà’ne Jâŋ 3:14

Ndʉŋ ndʉŋ pá’ Mǒsê la kwɛ́ nnú ná tà’a tÿǒ, ńkwé’e ńnáa tÿǒ, á nkwòŋo tsẅɛ̀ la, á ne ńzɛ́te ngie mé gÿo ńkwé’e *Míŋ Nyìŋ pɔ́ pú’u.

Ŋwà’ne Jâŋ 5:27

À la gíŋe ńnáa yé metʉ̀ lélɔg ńzá’ mentsaŋ pʉ̀a mesoŋ, mélà’mie yé zɔɔ *Míŋ Nyìŋ.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 7:56

Etien gɔɔn ngie: Mèŋ n ne ńgyá pá’ ncwò tÿǒ lepwó tsɔ’ɔ́ ńtyé. *Míŋ Nyìŋ tyé nà gwǒŋo pwó Ssé ye tʉ̀.