Matio 15:31 - Nouveau Testament en Ngienboum

³¹ Pàtámbǎ’ gɔɔn nò, mekÿǒon zeŋe, pàpwɔ́’te mekwò giŋ mboŋó, pàfʉ̀ menÿɔ́g gyá jʉ’ mboŋó. Àlá’ gyá ḿmɔɔn tɛ’, ńgu’te Ssé pà Israel.

Matio 15:31 ပူးပေါင်းရင်းမြစ်များ

Matio 15:30

Menùɔ lá’ tó, ńgwaa tó, ńdɔg pàpwɔ́’te mekwò, pâ pàfʉ̀ menÿɔ́g, pâ megàŋ *melɔ̌’, pâ pàtámbǎ’, mbɔɔ tsɔ́ megàŋa guɔ tà ńgyɔ́ɔn. Pɔ́ lɔgɔ wɔ́b ńtóo mvfò Yěsô pú’u, á gÿo pɔ́ zeŋe metsèm.

Matio 18:8

Á lɔɔn ńcʉ́’ gie apwó ɔ́ ka kwò ɔ́ wɔ́, à tsóte ɔ́, ɔ̀ fʉ́a nò, ɔ̀ zá’ ńgwá’ á taataa ngʉ́a shʉ̀shʉ̀a. Mvfò aa gú légwɔ́ kème pwó ka kème kwò wɔ́, ndá’ ńgwɔ́ wó, ńcʉa pá’ à lɔɔn ńgwɔ́, ɔ̀ gẅiin mbwó mú mémbʉ́a ka mekwò mú mémbʉ́a wɔ́, ndá’ ńkúu tsɛ̀ɛ mmɔ̌g gẅie e tě ndá’a ḿbyé wɔ́.

Matio 21:14

Pàfʉ̀ menÿɔ́g mbɔɔ pàpwɔ́’te mekwò piŋ tóo lejʉ́ŋ Yěsô tsɛ̀ɛ *jʉ’ʉ Ssé, á gÿo pɔ́ zeŋe.

Matio 8:10

Yěsô jú’u yɔ̀ɔn shwóŋò gie á kẅɛ̌ ncwò tándá ncù ńgɔ’te yé, ésele nnɛ́ ńgɔɔn mbwo lá’ gie aa nzèm yé ngie: Mèŋ shwóŋó gẅí, kwà’ nénʉ́, mbɔɔ tsɛ̀ɛ ngwòŋ pà Israel, mèŋ n kaa gyá tsɔ́ nyìŋ gẅie à zǎb ntʉ́m ná mèŋ pá’ yé wɔ́.

Matio 9:32

Pàfʉ̀ menÿɔ́g gwaa fó ndá kẅɛ, mé lɔgɔ tsɔ̌ nyìŋ ńtóo mvfò Yěsô, mbà tsɔ́ *ssé tepòŋ la gÿo á cʉ́’ʉ mbu’ ncwò.

Matio 9:33

Yěsô gwɔ́ tà ńjwoŋ yɛ̌ *ssé tepòŋ, mbu’ ncwò ŋwɛ́ gwóon ńzye légɔɔn nò. Àlá’ gyá ḿbú ḿmɔ́ɔn, ńne ńgɔɔn ngie: Mé laa zɔɔn ńgyá yɛ̂ ntí nò á tsɛ̀ɛ ngwòŋ pà Israel wɔ́.

Matio 9:8

Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Malékuse 2:12

Á gwóon ńdu ssé, ńkaa páŋte we, ńdɔg ńně ńgee, alá’ ne ńdíe, á pú ńně ńkʉ’ʉ wɔ̌ɔwɔ́ɔ. Pɔ́ ne ńgu’te Ssé ńgɔɔn ngie: Peg laa zɔɔn ńgyá yɔɔn ntí nò wɔ́!

Malékuse 7:37

Pʉ̀a metsèm ne ńjú’u, ḿbú ḿmɔɔn tà ńgɔɔn ngie à gÿo yé kɔ̀ɔkɔ́ɔ, á gwɔ́ pɔ́ mbòŋ. À gÿo pà mbǔ’ metuŋó jú’u nò, mbɔɔ pa támbǎ’ gíŋe shwóŋe.

Malékuse 9:43

Apwó ɔ́ zɔ lɔɔn ne ńtsóte gú ńnéŋe tsɛ̀ɛ mefʉ̀a, ɔ̀ zá’ ńgwá’, mbòŋo ee gú légwɔ́ kème pwó, tá ńké ńdá’ ńgwɔ́ wó, ńcʉa gú légẅiin mbwó mbʉ́a, tá ḿbiŋ ńkúu tsɛ̀ɛ jʉ’ gie mmɔ̌g ée wó, ńgwɔ́ gẅie é téen ńdá’a ḿbyé tsɔ́ lyɛ̌’ wɔ́,

Lukase 14:13

Ɔ̀ la’ ne ńtóŋo línɔ́ɔn, ɔ̀ tóŋ pàtèmmó, ńtóŋ menkÿǒon, ńtóŋ pànkème kwò, ńtóŋ pàfʉ̀ menÿɔ́g.

Lukase 14:21

Ménkʉ́ wá piŋ nzèm, éshwóŋó tá we pá’ pɔ́ gɔ̌ɔn, á pú ńgyáŋa yé tɛ’, á gíŋe ńtúmo ménkʉ́ ŋwɛ́, ńgɔɔn né yé ngie: Kÿote lêtʉ̀, ńgʉa tÿǒsoŋ ńtyé metwó nzsè, ńgiŋe nà melyěen nzsè, ńtóŋ pàtèmmó, ńtóŋ menkÿǒon, mbɔɔ mefʉ̀ menÿɔ́g pâ pànkème nkwò pia pɔ́ tó.

Lukase 18:43

Fʉ̀ ŋwɛ́ gwoon ńgíŋe ńgyá jʉ’, ńcʉ́me nzèm Yěsô, ńgiŋe ńgu’te Ssé, alá’ gyá yɔɔn nò, ńgwóon ńzye lé pú ńgu’te Ssé.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Ŋwà’ne Jâŋ 9:24

Pà *farisay gíŋe ńtóŋo nyìŋ gẅie à kaa fʉ̀ la, ńgɔɔn né yé ngie, tyé mvfò Ssé, éshwóŋó nò nénʉ́. Peg ne ńzsé ngie nyìŋ wɛ̂ aa nyìŋ tepòŋ.