Matio 15:27 - Nouveau Testament en Ngienboum

²⁷ Manzwě ŋwɛ́ tsɔ́’ ngie: À Nde, ɔ̀ gɔɔn shwóŋó nò tá’, ngwé ké ńdagte mesɔ́ɔn shúm mie éfóo ndùm tápele tá wɔb ńgwete ssé.

Matio 15:27 ပူးပေါင်းရင်းမြစ်များ

Matio 15:26

Yěsô tsɔ́’ ngie: Á té poŋo lekẅé shúm léjÿó penkʉ́, ḿma’a mbwó ngwé wɔ́.

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Matio 5:45

Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Matio 8:8

Tá tándá ncù tsɔ́’ ngie: Cʉ̀apʉ̀a, mèŋ n tsẅíle nyìŋ gẅie à lɔɔn ńgwɔ́ ɔ̀ tɔ́g tà ńkúu ndá mèŋ. Tyé pɔ́ pɛ́’ɛ ńtsẅi lê ncwò gú mênkʉ́ wɔ̀ɔn zeŋe.

Malékuse 7:28

Manzwě ŋwɛ́ tsɔ́’ ngie: Andè, ɔ̀ gɔɔn shwóŋó nò, tá’ ngwé ké ńdagte mesɔ́ɔn shúm sie pènkʉ́ ne ḿpfɛ́ɛ mmó, é gwete ssé.

Lukase 16:21

ńně ńtsɔ́ɔn ngie kà à lɔɔn ńgwɔ́ ngàŋ nkáb pfɛ́ɛ mmó tà mé gwá’a pfwɔ́’, á lagte wɔ́, tá’, ńnuŋe jʉ’ó, ngwé zɔ̌ ne ńtóo ńdaŋa mefʉ̌ŋ mé.

Lukase 18:13

Ankẅè ncùb ŋwɛ̌ tyé yé pɔ́ taa nzèm, éfó tè ku’u lépʉ’ʉ twó yé ńdíe tÿǒ wɔ́, ńcʉ́’ sɔbɔ twó yé ssé ńgɔɔn ngie: E Ssé yɔɔn, tsɔ́ɔn mezìŋe mɔ́ɔn, mèŋ n deen ńgwɔ́ pɔ́ nyìŋ tepòŋ.

Roma 10:12

Pú’u la, atsɔ́ tyɛ’te té gíŋe ńgwɔ́ tsetsɛ̀ɛ nyìŋ Yuda pɔ́ nyìŋ gẅie à tè nyìŋ Yuda wɔ́ wɔ́. Pɔ́ métsèm pú ńgẅiin pɔ́ tà’ Cʉ̀apʉ̀a wémɔ’ɔ́ gẅie à gÿo menò mbòŋo mé ná pʉ̀a metsèm pie é lʉa ńtóŋo yé.

Roma 3:19

Mɔɔn ée menò mie mé la ŋwe’e tsɛ̀ɛ ŋwà’ne *lepʉ̌ Ssé, pege piŋ ńzsé ngie anò ntsèm gie *lepʉ̌ gɔɔn, é vɔgɔ ńgɔɔn mbwo pà Yuda pie *lepʉ̌ ŋwɛ́ sá’a wɔ́b. Pá’ pɔ́ gíŋ ńgwɔ́ yɔ́b pɔ́ ngàŋ mefʉa la, ncwò wɔ̌wɔ́ɔ nyìŋ mesoŋ wɔ́, ge jÿɔ́’ɔ, wɔ̌wɔ́ɔ piŋ tyé mvfò Ssé ńgwɔ́ pɔ́ nyìŋ gẅie à gwě ntsaŋ.

Roma 3:29

Á gwe’e ńgwɔ́ pú’u, mbà Ssé cʉ̌’ ńgwɔ́ pɔ́ ye pà Yuda gílé pɔ́b, tá’ e giŋé ńgwɔ́ Ssé pʉ̀a pie é té pà Yuda wɔ́.

Roma 3:4

Ngǎŋ, ńgwɔ́ á le pú’u gÿo. Tà mbɔɔ pá’ pʉ̀a mesoŋ metsèm pú ńgwɔ́ pɔ́ ngàŋa cÿɔ̌ nò, yé Ssé à tè gɔɔn nò ḿbiŋ ńkúbe wɔ́. Áa ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ngie: Gù Ssé gwɔ̌ tà ńgɔɔn nò mé gẅiin lézsé ngie ashwóŋè jú àa ndʉŋ ndʉŋ, Ńgwɔ́ gie nyìŋ ŋaga gú á le gú jÿó.

Efeso 3:19

Wɔɔn aa pá’ mèŋ n né sẅíŋte Ssé pú’u. Á ge fó mǒ pi ku’u lézsé pá’ nkwòŋe Kristo ee pú’u, tà mbɔɔ pá’ e cʉa zsě nò ntsèm. Pi ge gwɔ́ tà zsé yɛ̌ nkwòŋe, ammó ntsèm gie áa ntʉ́m Ssé à gíŋe ńgwɔ́ tsɛ̀ɛ ntʉ́m gẅi tà mmó le mǒ zág

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.