Matio 14:27 - Nouveau Testament en Ngienboum

²⁷ Tá Yěsô gwóon ńgɔɔn né pɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Matio 14:27 ပူးပေါင်းရင်းမြစ်များ

Matio 14:28

Piɛ leen ńké ńgɔɔn né yé ngie: Cʉ̀apʉ̀a à lɔɔn ńgwɔ́ kwà’ gú, ɔ̀ gÿo mèŋ n giŋe ndùm ntse ńtó ńzá’a ɔ́.

Matio 17:7

Yěsô tó, ńzába pwó ná pɔ́b, ńgɔɔn ngie: Pi lute ssé, tà pi gíŋe ḿbɔ́g.

Matio 28:10

Yěsô leen ńké ńgɔɔn né pɔ́b ngie: Tà pi pɔ́g. Pi gʉa ńtsẅi né mefɛ́ pɔ́ɔn, ńgie pɔ́ gʉa né Galilea, ńgie pɔ́ ge gyá wɔ̀ɔn pɔ́ wó.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Malékuse 6:50

Pɔ́ metsèm la pú ne ńgyá yé pá’ à tóo, ḿbú ńcÿɔ’, tá Yěsô leen ńtóŋo wɔ́b, éshwóŋó wɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Lukase 1:13

Tá *cÿɔ́’ Ssé gɔɔn né yé ngie: Sakarîɛ, te gíŋe ḿbɔ́g, e Ssé kéen ńjú’u nò gie ɔɔ ńtsẅé sẅíŋte yé mǒ, tà à ge cÿɔ’ɔ nzwě ɔ̀ Lisape, pi yé zyé tà’ mûɔ mbàŋa, ɔ̀ tsẅi lezíŋ sé le Jâŋ.

Lukase 1:30

*Cÿɔ́’ Ssé gɔɔn ngie: Malîɛ, tè pɔ́g, e Ssé cÿǒ gʉm jú.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Lukase 2:10

Tá *cÿɔ́’ Ssé ŋwɛ́ gɔɔn né pɔ́b ngie: Tà pi pɔ́g, mèŋ n tóo pɔ́ lépÿé gẅi nò mbòŋo, á gwɔ́ gie á ge náa máa lekág tsɛ̀ɛ ngwòŋ gẅí.

Lukase 5:10

Tà mbɔɔ Jâŋ pɔ́ Jâg, é gubé Zebede, gie é laa ngàŋa yetsɔ́ kanú’ la gíŋe ḿbú ḿbɔ́g yɔ́b tɛ’. Tá Yěsô gɔɔn né Símo ngie: Tè pɔ́g pɔ̌g, tà fó lyɛ̌’ɔɔn, ɔ̀ ge nyé légwoon messó é cʉ́’ʉ cú’te pɔ́ pʉ̀a mesoŋ.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 6:20

Tá Yěsô gɔɔn né pɔ́b ngie tà pi pɔ́g, à gwɔ́ pɔ́ mèŋ.

Megàŋ ntúm 23:11

Á gÿo ńgwɔ́ letsẅɛ́’, Cʉ̀apʉ̀a tó ńgɔɔn né Pɔl ngie: Kag pɔ́ tʉ̀. Ɔ̀ ka gɔɔn nyìŋ gẅie mèŋ n gee wɛ̌ Yerósalem wɔɔn. Á gíŋe ne ńzɛ́te ngie ɔ̀ gìŋ ńgɔɔn nyìŋ gẅie mèŋ n gee wɛ̌ á tÿǒsoŋo *Roma.