Matio 14:19 - Nouveau Testament en Ngienboum

¹⁹ ńgɔɔn pú’u, ńtsẅii mbwó lá’ ngie: Pɔ́ pwɔ́’ɔ legǐ ńnéŋe mǒ, ḿbí mbelég ayɛ̌ mbu’ú ntʉ̀a, nê messó mɛ̌ mbaŋ pʉ́a, ḿbʉ’ʉ twó ńdíe tÿǒ, ésíe Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Matio 14:19 ပူးပေါင်းရင်းမြစ်များ

Matio 14:18

Yěsô gɔɔn né pɔ́b ngie: Pi lɔg ńtó, ńná né mèŋ jʉ’ɔɔn,

Malékuse 6:39

Á gɔɔn né pɔ́b ngie: Pi gÿo pʉ̀a néŋte nà megǐ menùɔ menùɔ.

Malékuse 6:41

Yěsô kẅé mbelég ŋwɛ́ mbu’ú ntʉ̀a pɔ́ messó mbàŋ pʉ́a, ḿbʉ’ʉ twó yé, ńná ndǎg mbwo Ssé, ḿbwɔ́’te mbelég ńnáa mbwo *ngàŋa kwò yé, légwɔ́ gie pɔ́ ge gabte mbwo lá’, ńgíŋe ńgÿo pɔ́ pú’u, nà messó.

Malékuse 7:34

ńdeen ńké ḿbʉ’ʉ menÿɔ́g mé ńdíe tÿǒ, ńzẅi, ńgɔɔn ngie: “Effata”! Ńdɔgɔ ńgɔɔn ngie: Tsɔ́’ɔ!

Lukase 22:17

À la shwóŋó wɔ́b pú’u, ńdeen ńké ńkaa ntú’ melù’, ńná ndǎg mbwo Ssé, ńgɔ́ɔn né pɔ́b ngie: Pi kɔ ntú’ yɔɔn ḿbú ńnú tà maga gẅí.

Lukase 22:19

À la gíŋe ḿbí mbelég, ńná ndǎg mbwo Ssé, ḿbwɔ́’ ńgwaa náa mbwo *ngàŋa kwò yé ńgɔɔn ngie: Yɔɔn ee mbùm nnɛ́ yɔɔn [mie mé nǎ nà twó sí. Pi cʉ́’ ne ńgÿo pá’ɔɔn ńdɔ́gɔ ńkímte wɔ̀ɔn.

Lukase 24:30

Afʉ̀’ʉ léjÿó shúm gÿo ńku’, pɔ́ ńnéŋe ssé, á pí mbelég, ńná ndǎg mbwo Ssé, ḿbwɔ́’te ńná né pɔ́b.

Lukase 9:14

Á laa pú’u, nyìŋ mesoŋ gwɔ́ ssé tɛ’, tà mbàŋa ndà’ gwɔ́ mmó ntsá’ tʉ̀a. Yěsô gɔɔn mbwo *ngàŋa kwò yé ngie pi gÿo pɔ́ ńnéŋe ssé móm ntʉ̀a, móm ntʉ̀a.

Lukase 9:16

Yěsô pí mbelég yɛ̌ mbu’ú ntʉ̀a lê messó mɛ̌ mbàŋ pʉ́a, ḿbʉ’ʉ twó yé ńdíe tÿǒ, ésíe Ssé mǒ, ńne ḿbwɔ́’te ńnáa mbwo *ngàŋa kwò yé, légwɔ́ gie pɔ́ gaba mbwo lá’.

Ŋwà’ne Jâŋ 11:41

Mé gwɔ́ tà sẅɛ’te tóon, Yěsô pʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, mèŋ n nǎ ndǎg pá’ mèŋ sẅíŋte gú, ɔ̀ jú’.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Megàŋ ntúm 27:35

Pɔl gɔɔn pú’u, ḿbí mbelég, ńtyé mvfò pʉ̀a metsèm, ńná ndǎg mbwo Ssé, ḿbwɔ́’, ńzye lépfɛ́.

Roma 14:6

Nyìŋ gẅie à gẅiin tyɛ’te ná melyɛ’ɛ́ lá’, à gÿo tyɛ’te pú’u, pɔ́ lélɔg ńgu’te Cʉ̀apʉ̀a. Nyìŋ gẅie à gyá kɔ́ wɔ́ ńgwɔ́ à pfɛ́ yé pfɛ́, à pfɛ́ pú’u, pɔ́ lélɔg ńgu’te Cʉ̀apʉ̀a, á nue à ne ńnáa ndǎg mbwo Ssé mǒ. Nyìŋ gẅie à piŋ tè gyá kɔ̀ɔkɔ́ɔ ḿpfɛ́ pfɛ́ wɔ́, à tè pfɛ́ pú’u, á gwɔ́ pɔ́ lélɔg ńgu’te Cʉ̀apʉ̀a. Á giŋé ńne ńnáa yé ndǎg mbwo Ssé.

1 Korento 10:16

Pege ne ńnúu ntú’ melù’ gie pege nǎ ndǎg mbwo Ssé mǒ, pege tě ńdɔgɔ pú’u, ńtemte ná metse Kristo wáa? Mbelég gie pege pwɔ́’te ńgaba, e tě ńtemte wégè ná mbab nnɛ́ Kristo wáa?

1 Korento 10:31

N ge gɔɔn yɔ́ɔn ngie, pi lɔɔn ne ńjÿó pɔ́ mmó, kà ne ńnúu pɔ́ mmó wɔ́, kà ne ńgÿo pɔ́ kɔ́ wɔ́, pi gÿo sɛ̌ shúm ntsèm pɔ́ nà ntí gie mé ge gu’te Ssé.

1 Korento 11:24

ńná ndǎg mbwo Ssé, ḿbwɔ́’ ńgɔɔn ngie: Yɔɔn ee mbùm nnɛ́ yɔɔn mie mé náa ná twó sí. Pi cʉ́’ ńne ńgÿo pá’ɔɔn ńdɔgɔ ńkímte wɔ̀ɔn.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô