Matio 13:52 - Nouveau Testament en Ngienboum

⁵² Á gɔɔn ngie: Pi ké ńzsé ngie nkyàgte *lepʉ̌ Mǒsé gẅie à zẅiŋé nò *lefùɔ Ssé à gwá’a tsɔ̌ ndÿò gẅie eshúm ngù’ lâ se ngù’ɔɔn ée tsɛ̀ɛ ntaŋ yé. À néŋe tà mbùm ye poŋ, á gʉa mǒ ńkẅile ntí gie à kwǒŋ.

Matio 13:52 ပူးပေါင်းရင်းမြစ်များ

Matio 12:35

Pi zsé ngie: Nyìŋ lɔɔn ńgẅiin ntʉ́m mbòŋo, mbà á ge gẅiin ncwò mbòŋo, ńgẅiin ntʉ́m tepòŋ, mbà shwóŋó tepòŋ zɔ̌ ge kẅɛɛ ncwò ye

Matio 13:51

Yěsô zɛ́te *ngàŋa kwò yé ngie: Tà pi jǔ’ mɔɔn menò ntsèm? Pɔ́ tsɔ́’ ngie: Oon, peg jǔ’.

Matio 13:53

Yěsô lɔg mesagá nò ńgɔɔn nò mbwó pʉ̀a tà ńtsẅé jʉ’, éfó jʉ’ó ńgʉa

Matio 23:34

Pi ké ńjú’, mèŋ n ge gÿo túm pà *ntsẅì nkʉ̀ Ssé, pâ pàzsé nò, pâ *pàkyagte lepʉ̌ Mǒsê. Pi zẅéte petsɔ̌, ńkim petsɔ̌ ná tÿǒ nkǐ, ńcúɔ petsɔ́ nê mengwɔɔn á tsɛ̀ɛ *mendá cú’tè mí, éfó metÿǒsoŋ metÿǒsoŋ ńnɔ́ɔn wɔ́b.

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Lukase 11:49

Mbà Ssé la tʉ́ njÿó ńdɔg legyè sé ńgɔɔn ngie: «Mèŋ n ge túm pàntsẅì nkʉ̀ pɔ́ɔn tà mbɔɔ megàŋ ntúm pɔ́ɔn á mbwo pɔ́b, pɔ́ tó ńgwoon petsɔ́ ńzẅéte, ńnyɛ petsɔ́ ngɔ́’».

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

Efeso 3:4

Pi ge tóŋo yɔɔn ŋwà’ne é jú’ ntí gie mèŋ n dɔg ńzsé ntsèm gie ee nà nò Kristo.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Kolosia 1:7

Peg ne ńzsé ngie Epafalas zɔ ka zí’i gẅi yɛ̌ nò. Aa fɛ́ weg we ntʉ̀ nzẅìŋ, pega pɔ̌ pǔ fa’a. Pi zsé ngie, yé gẅie aa lejʉ́ŋ pi lɛ, à zsě pɔ́ nò Kristo.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

1 Timote 3:6

Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.