Matio 13:51 - Nouveau Testament en Ngienboum

⁵¹ Yěsô zɛ́te *ngàŋa kwò yé ngie: Tà pi jǔ’ mɔɔn menò ntsèm? Pɔ́ tsɔ́’ ngie: Oon, peg jǔ’.

Matio 13:51 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

Matio 13:50

é ma’a wɔ́b tsɛ̀ɛ mejʉŋ mmɔ̌g. Pɔ́ gwɔ́ jʉ’ó ne ńdʉa, melóŋ pɔ́b ne ffó.

Matio 13:52

Á gɔɔn ngie: Pi ké ńzsé ngie nkyàgte *lepʉ̌ Mǒsé gẅie à zẅiŋé nò *lefùɔ Ssé à gwá’a tsɔ̌ ndÿò gẅie eshúm ngù’ lâ se ngù’ɔɔn ée tsɛ̀ɛ ntaŋ yé. À néŋe tà mbùm ye poŋ, á gʉa mǒ ńkẅile ntí gie à kwǒŋ.

Matio 15:17

Àmmó fó ncwò nyìŋ ńcʉa, ńkúu lepfòm yé, ḿbiŋ fó lepfòm yé ńkẅɛ, ńkúu tsɛ̀ɛ kwɛ.

Matio 16:11

Á piŋ ńgÿo lêkɔ́, pi tè jú’ ngie mèŋ n tě ńgɔɔn nò nà mbelég wɔ́? Mèŋ n giŋé ńgɔɔn ngie: Pi pɔ́ɔn *mvòŋ pà *farisay lâ pà *sadukay.

Matio 24:15

Á ge lá’ gwɔ́ fʉ̀’ó, pi gyá nyìŋ gẅie *ntsẅì nkʉ̀ Ssé Ndaniɛ la tóŋo yé lê «nkʉ̀’ʉ ntàgte jʉ’». Á tó ńtyé kwà’ tsɛ̀ɛ jʉ’ gie e Ssé ee wo. Nyìŋ tóŋo jʉ’ʉ ŋwà’né yɔɔn, á kag tʉ lenyɛte ńjú’.

Malékuse 4:34

À lɔ̌ɔn tě shwóŋó wɔ́b nò té lɔg pé *sagá nò wɔ́, ńgwɔ́ fʉ̀’ gie pâ *ngàŋa kwò yé zɔ̌ cʉ́’ ńgwɔ́, á pú ńkyagte shwóŋó wɔ́b pá’ é lɔgɔ ńgɔɔn.

Malékuse 7:18

Á gɔɔn né pɔ́b ngie, ńzsé ngie sí legyè nyé ḿvɔ́g vɔ́g pá’ se petsɔ́ pʉ̀a gwâ? Ammó gie á fó nzème pǐ ńkúu ná nyìŋ, á té *lɔ̌’ ná ye néŋ.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.