Matio 13:46 - Nouveau Testament en Ngienboum

⁴⁶ À gwɔ̌ tà ńgyá tsɔ́ tɔgɔ́ tsye gie á jÿó nkáb tɛ’, ńgʉa sẅiŋ shúm sé ntsèm ntsèm, ńdɔg nkáb ńtó ńjúu yɛ̌ ŋwɛ́.

Matio 13:46 ပူးပေါင်းရင်းမြစ်များ

Matio 13:44

Yěsô gíŋe ńgɔɔn ngie: Ànò *lefùɔ Ssé gíŋe ńgwɔ́ pɔ́ pá’ tsɔ́ mmó tʉ̀ nzẅìŋ gie á lyeen tsɛ̀ɛ tsɔ́ nká’, nyìŋ gwɔ́ tá ńgyá, ńgíŋe ńde’e, ńdɔgɔ lékág ńkÿote ńgʉa sẅiŋ shúm sé ntsèm, ńdɔg nkáb ńtó njú wɛ̌ nká’.

Matio 13:45

Ànò *lefùɔ Ssé gíŋe ńgwɔ́ pɔ́ pá’ nò ntàŋ metʉ̌a gẅie à fa’a tɔgɔ́ tsye mbòŋo.

Matio 13:47

Yěsô gíŋe ngie: Àno *lefùɔ Ssé gíŋe ńgwɔ́ pɔ́ pà’ nò lekÿo sie mé ma’a tsɛ̀ɛ letʉŋ, messó kúu tsɛ̀ɛ wó ntí ntí.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Galatia 6:14

ńgʉa ná mèŋ, mbà mmó gie á lɔɔn ńgwɔ́ n dɔg ńŋá’te, á gwɔ́ pɔ́ pá’ Cʉ̀apʉ̀a wege Yěsô Kristo la kwé nà tÿǒ nkǐ la. Pá’à la kwé nà tÿǒ nkǐ lá, eshúm yɔɔn njÿó ée lejʉ́ŋ mèŋ ńcʉ́’ pɔ́ pfó shúm, á gʉa ná mèŋ n gwɔ́ mbwo pɔ́b, mbà mèŋ n déen ńkwé.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Ŋwà’ne Ngyà jʉ’ 18:12

é shúm pá’ tʉ̌ gɔ̂l, mbɔɔ tʉ̌ nkáb. Eshúm pá’ metóon pie ée pe tʉ̀ nzẅìŋ, mbɔɔ metɔgɔ́ tsyé, mbɔɔ menzsǒ mie é fɔ́g tɛ’, mbɔɔ mie é paŋ paŋ, mbɔɔ menzsǒ meselɛg, mbɔɔ mie é paŋa lê gʉm, mepeláŋ mie éfóo ná tsɔ̌ ntí tÿǒ gie mé té lwo ńgyá wɔ́, mbɔɔ yɛ̌ ntí mmó wɔ́ gie mé la lɔg lesoŋ shÿɔ́ɔ ńnyɛte, mbɔɔ yɛ̌ ntí mmó wɔ́ gie mé lɔgɔ tÿǒ gie nzẅìŋ ée mǒ tɛ’ ńnyɛte, mbɔɔ gie mé lɔgɔ tʉ̌ nʉ̀ ńnyɛte, mbɔɔ gie mé lɔgɔ kwà’ tʉ̌ ńnyɛte, lâ gie mé lɔgɔ tsɔ̌ ntí tóon gie mé tóŋo lé marbre ńnyɛte.

Ŋwà’ne Ngyà jʉ’ 21:21

Mencwò nká’ ntsɔ̀b pʉ́a nê legém é laa metɔgɔ́ tsyé ntsɔ̀b pʉ́a nê legém, ntí gie efɔ́g tɛ’, mbàa wɛ̌ ncwò nká’ wɔ́, é gwɔ́ mbà mé la lɔg pɔ́ tà’a tɔgɔ́ tsyé ná yɛ̌ ntí ńnyɛte. Alǎŋa lÿò gie á tɔ́gɔ tsɛ̀ɛ tÿǒsoŋ gwɔ́, mbà mé lɔgɔ́ gɔ̂l té *lɔ̌’ ńdɔg ḿbwóon, é tele tele pá’ ngeláse.