Matio 13:22 - Nouveau Testament en Ngienboum

²² Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Matio 13:22 ပူးပေါင်းရင်းမြစ်များ

Matio 12:32

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege ńnáa mbwó yé. Tá nyìŋ ké shwóŋó tepòŋ á nà Zẅìge Ndʉalʉ̌a, mbà á gwɔ́ pɔ́ ná yɔɔn kème njÿó, mé le lege ńnáa mbwó yé wɔ́, e ké le lá’a nà tsɔ́ kème njÿó ńdege ńnáa mbwó yé wɔ́.

Matio 13:39

Ngàŋ mbù gẅie à pye mbyè mmó ye tepòŋ, á gwɔ́ Sátà. Lelag shúm á gwɔ́ lyɛ̌’ɛ nzsònzèm, Megàŋa fà’ gwɔ́ *mecÿɔ́’ Ssé.

Matio 13:40

Ndʉŋ ndʉŋ pá’ mé tsɔ́’ shúm tepòŋ ńtúɔ mmɔ̌g lá, á ge là’ gíŋe gwɔ́ pɔ́ pú’u, ná nzsònzèm lyɛ’ɛ́ lá’.

Matio 13:7

Etsɔ́ memvòm gwe tsɛ̀ɛ legǐ tepòŋ, legǐ tepóŋ gÿo ńdu sse éfóme mɛ̌.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 12:21

Yěsô ma’a twó ngie: Yɔɔn áa nò gie á gÿo nyìŋ gẅie à lagá fù’ ńcú’te ngie aa ngàŋa mmó, ḿbiŋ ńgwɔ́ menÿɔ́g Ssé ńké tè wɛ̌ wɔ́.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 8:14

Mbyè mmó gie é gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie pɔ́ jú’, ńgÿo ńzye lémÿɔg menò nzsè nzsè, ńzye lékwaŋte nkáb pɔ́ leńnéŋe mbòŋo ndùmo ssé tsetsá’, ashwóŋè Ssé gwóon ḿbyé té gÿo tsɔ́ mmó tsɛ̀ɛ ntʉ́m pɔ́b.

Megàŋ ntúm 8:18

Símo gyá pá’ ngàŋ ntúm Yěsô ne ńzába mbwo twó pʉ̀a, à Zẅìge Ndʉalʉ̌a kúu ná pɔ́b, ḿbÿé wɔ́b nkáb,

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

1 Korento 1:20

Anzse nò lɔgɔ pá’ɔɔn ńgíŋe ńgwɔ́ nzɔ̌? Anzse ŋwà’ne Ssé gwɔ́ nzɔ̌? Anzoŋo nò ná yɔɔn kème njÿó gwɔ́ yé nzɔ̌? E Ssé léen tè gÿo azsé nò tsɛ̀ɛ njÿó cʉ́’ menò pʉ̀a wɔ́ le?

1 Korento 2:6

Peg pìŋ ńké ńgʉa ná pʉ̀a Kristo pie pɔ́ cÿɔgté nà lezǎb ntʉ́m nà Ssé, ńzí’i wɔ́b zsé nò. Tá yɛ̌ zsé nò ké tè zsé nò yɔɔn njÿó wɔ́, ńké tè zsé nò gie á fóo mbwo shúm tepòŋ sie é sá’a yɔɔn njÿó, ńgwɔ́ sie mé ge gÿo pyág wɔ́.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

1 Korento 3:18

MÀbɔ́ɔn nyìŋ léfʉte twó mbùm yé. Nyìŋ lɔɔn ńgwɔ́ tsetsɛ̀ɛ pi ńne ńkwaŋa ngie pʉ̀a njÿó ne ńgyá ngie áa nzsé nò, á zɔɔn ḿvɔg sele ńcʉ́’ʉ pʉ̀a tá ńdeen ńké ńgwɔ́ kwà’ nzsé nò.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.