Matio 13:11 - Nouveau Testament en Ngienboum

¹¹ Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Matio 13:11 ပူးပေါင်းရင်းမြစ်များ

Matio 13:10

*Ngàŋa kwò Yěsô tóo lejʉ́ŋ yé ńzɛ́te yé ngie: Mélà’a kɔ́ ɔ̀ lɔg pɔ́ sagá nò ńgɔɔn nò mbwó lá’?

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 19:11

Yěsô tsɔ́’ɔ mbwó pɔ́b ngie: Pʉ̀a metsèm zɔ̌ té ku’u lézẅíŋe yɔɔn nò wɔ́. Tá e Ssé kě ńne ńgÿo, étsɔ́ ntá’ pʉ̀a ku’u mǒ.

Matio 20:23

Yěsô gɔɔn né pɔb ngie: Pi ge gÿo nú ntú’ yɔ̀ɔn. Tá, ńgʉa nà leneŋé nyìŋ nà gwoŋó pwó yɔ́ɔn ye tʉ̀ ka pɔ́ ye kyɛ̀bɛ wɔ́, mbà mèŋ n zɔ tè gẅiin léná né nyìŋ wɔ́. Tá wɔ̀ɔn zɔ ne ńzsé pʉ̀a pie à la nyɛte sɛ̌ jʉ’ ńdɔgɔ ḿbyɛ́bɛ wɔ́b.

Malékuse 10:40

Tá’, á gʉa nà leneŋé nyìŋ nà gwoŋó pwó yɔ́ɔn ye tʉ̀ kà pɔ́ ye kyɛ̀be wɔ́, mbà mèŋ n zɔ tè gẅiin lénná né nyìŋ wɔ́, esɛ̌ jʉ’ ée se pʉ̀a pie Ssé la nyɛte ńdɔgɔ ḿbyɛ́bɛ wɔ́b.

Malékuse 4:11

Á gɔɔn mbwo pɔ́b ngie: E Ssé lá gÿo ngie pi pɛ̂ zɔ zsé nò nénʉ́ nà lefùɔ sé gie áa lelyěen. Tá á gʉa ná petsɔ́ pʉ̀a pie pɔ́ té nà gí nùɔ wɔ́, pɔ́ jú’ yɔ́b pɔ́ ndà’ ngie mé lɔg sagá nò ńgɔɔn nò.

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Ŋwà’ne Jâŋ 6:65

Yěsô gíŋe ńgɔɔn ngie, áa mmó gie á ně ńgÿo tá mèŋ n gɔɔn né pi ngie, à lɔɔn ńgwɔ́ nyìŋ le tó ńkẅɛ́te wɔ̀ɔn té gwɔ́ gie Tá wɔ̀ɔn zɔ gÿǒ ngie ngàŋ tó wɔ́.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Megàŋ ntúm 16:14

Atsɔ̌ tà’ gwɔ́ tsetsɛ̀ɛ pɔ́b, mé tóŋo yé lê Litiɔ. Mbà à la fó tÿǒsoŋo Tiatire. Á táŋa tsɔ́ mepàŋ nzsǒ é poŋ tɛ’. Mbà à la zẅíŋe nò Ssé pà Yuda. Peg ne ńgɔɔn nò, á nyɛte ńzẅí’te kwà’ mboŋó, ńtí nue Cʉ̀apʉ̀a la tsɔ́’ ntʉ́m wé pá’ à ge téŋe letuŋó sé ńnyɛte zẅí’te nò gie Pɔl ne ńgɔɔn.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

1 Korento 15:51

Pi cʉ́’ mèŋ shwóŋó gẅi tsɔ́ nò gie á la zɔɔn ńgwɔ́ pɔ́ lelyěen, pege metsèm tè lá’ pú kwé wɔ́, tá’ pege metsèm ge lá’ pú gẅiin tsɔ̌ mbùm ye sẅé,

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

1 Korento 4:1

Pú’u la, pi líe wég pá’ pafa’a fà’ Kristo mbɔɔ pá’ pʉ̀a pie pɔ́ gẅiin nò nà lekyɛ’té nò Ssé gie á laa lelyěen é shwóŋ pʉ̀a.

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 5:32

Yɔɔn ntsèm ee wó tɛ’, n gɔɔn pá’ɔɔn ná Kristo mbɔɔ ná cú’tè pʉ̀a pé.

Efeso 6:19

Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

1 Timote 3:9

Á zɛ́te ngie pɔ́ kú’te nò nénʉ́ gie á laa lelyěen, e Ssé nyɛɛ wégè, ńkú’te nà ntí gie mbùm yɔb tè cúa wɔ́b gwɔ́.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

1 Jâŋ 2:20

ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.