Matio 12:41 - Nouveau Testament en Ngienboum

⁴¹ Tà mèŋ shwóŋó gẅí, á ge lá’a lyɛ̌’ gie e Ssé ŋaga pʉ̀a mesoŋ, epʉ̀a Ninive lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn. Á nue Jonase la gɔɔn nò mbwó pɔ́b, pɔ́ jú’, ńkúbe mà wɔb. Nyìŋ gẅie à piŋe shwóŋó gẅi nò lyɛ̌’ɔɔn pi tě ńzẅíŋe wɔ́, à cʉa Jonase.

Matio 12:41 ပူးပေါင်းရင်းမြစ်များ

Matio 12:39

Yěsô tsɔ́’ ngie: Pʉ̀a pie ee tsɛ̀ɛ njÿo fʉ’ɔɔn ee pʉ̀a tepòŋ, ḿbiŋ ńké ńtʉ pɔ́ twó mbwó Ssé ne ńzɛ́te ngie mé gÿo tà’a nò mmɔɔn mmɔɔn pɔ́ gyá. Tá mé téen ńge ńnyɛɛ wɔ́b tsɔ́ mmó wɔ́, tà ńdí ndà’ nò gie á la gÿo Jonase *ntsẅì nkʉ̀ Ssé.

Matio 12:42

Á ge lá’a lyɛ̌’ gie e Ssé ŋaga pʉ̀a mesoŋ, máfùɔ pà Shéba lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn, á nue a lá jú’ ngie legye fùɔ Salomo pú ńcʉa se mânyìŋ ntsèm, éfó táa lá’ yé ńdu ssé ńtó, ńdɔg nÿɔ́g mé ńgyá yé. Nyìŋ gẅie a piŋe shwóŋó gẅi nò lyɛ̌’ɔɔn pi tě ńzẅíŋe wɔ́, esé legye cʉa se fùɔ Salomo.

Matio 12:45

mbà à ge gʉa gú tsɔ́ *messé tepòŋ sɔɔn mbʉ́a, e gwɔ́ mie pú ńgyɔ́ɔn sóon tà ńcʉa yé, pâ pɔ́ piŋ nzèm ńkúu ná nyìŋ wa, ńdɔgɔ yé ńgÿo ndá yɔ́b. Ngɔ́’ ngàŋ pú ńgyɔ́ɔn ńcʉa pá’ e ka zɔɔn ńgwɔ́. Á ge lá’ gíŋe gwɔ́ pɔ́ pú’u, nà pʉ̀a pie ee tsɛ̀ɛ njÿó fʉ’ɔɔn pie e tepòŋ.

Matio 12:6

Tà mèŋ n ké shwóŋó gẅí, tsɔ̌ nyìŋ aa jʉ’ɔɔn ḿbú ńcʉa *jʉ’ʉ Ssé.

Matio 16:4

Pʉ̀a pie ee tsɛ̀ɛ njyó fʉ’ɔɔn pie ée pʉ̀a tepòŋ, ḿbiŋ ńké ne ńtʉʉ twó mbwó Ssé tʉ ne ńzɛ́te ngie: Mèŋ n nyɛɛ liŋé. Tá mé té ge nyɛɛ wɔ́b tsɔ́ mmó wɔ́, tà ńdí ndà’ nò gie á la gÿo Jonase. Yěsô gɔɔn pú’u, ńnyé wɔ́b jʉ’ó ńgʉa.

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Matio 23:36

Mèŋ shwóŋó gẅí, kwà’ nénʉ́, mé ge lá’ tsɔ́’ ndu ndú menò ámɛ̌, é ná né pʉ̀a pie ee tsɛ̀ɛ njÿó fʉ’ɔɔn.

Ŋwà’ne Jâŋ 3:31

Nyìŋ gẅie à fóo tÿǒ lepwó, à cʉa pʉ̀a metsèm. Nyìŋ gẅie aa ndùmo ssé tsetsá’ aa nyìŋ tsetsá’, ḿbiŋ ńgɔɔn nò pɔ́ nà menò mie ée ndùmo ssé tsetsá’. Tá’, nyìŋ gẅie à fóo tÿǒ lepwó à cʉa pʉ̀a metsèm.

Ŋwà’ne Jâŋ 4:12

Tsye ɔ̀ cʉa tá wèg Yakwɔ́b gẅie à la ná wɔɔn ntse ntǔŋ né peg ka? Ńgwaa ná, ńzɔɔn nú yé, pènkʉ́ pé pâ menɔ̀ɔn gíŋe ńnú yɔ́b.

Roma 2:27

Pʉ̀a pie mé la zyé wɔ́b mé té wɔ́b pú’, pɔ́ piŋ ne ńgÿo mmó gie *lepʉ̌ Ssé ne ńzɛ́te, pɔ́ zɔ ge lá’ tú *melɔ̌’ mí, pi pie pi fʉ̌a sɛ̌ *lepʉ̌, tá mbà mé la ŋwe’e ńná né pi, pi gíŋ ńgwɔ́ pʉ̀a pie mé la pú’u wɔ́b.

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.