Matio 12:31 - Nouveau Testament en Ngienboum

³¹ Pú’u, tá mèŋ n gɔɔn né pi ngie à lɔɔn ńgwɔ́ Ssé lá’ ḿbú ńdege meno tepoŋ pʉ̀a mesoŋ ntsèm, ńnáa mbwó pɔ́b, tà mbɔɔ meshwóŋe ntsèm mie pɔ́ lɔgɔ ńzoonte yé. Tá nyìŋ ké ńzoonte Zẅìge Ssé, mbà mé téen ńdá’a ńdege ńnáa mbwó yé wɔ́.

Matio 12:31 ပူးပေါင်းရင်းမြစ်များ

Lukase 12:10

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege náa mbwo yé, tá ńké ńzoonte Zẅìge Ndʉalʉ̌a, mbà mé téen ńdá’a ńdege ńnáa mbwo ngàŋ wɔ́.

Megàŋ ntúm 7:51

Etien la pú ḿbíte tà á ku’, á gɔɔn mbwo pàŋag ntsaŋ ngie: Pi tʉʉ twó tɛ’. Ntʉ́m gẅi pâ nkwaŋá nò gẅi gwɔ́ we pʉ̀a pie pɔ́ té Ssé zsé. Pi giŋé ńdʉ’ʉ nò gie Zẅìge Ssé zɔ̌ gɔ̌ɔn, ńdɔgɔ ńgÿo pɔ́ pá’ pàmangʉa njʉ’ pí.

Heber 10:26

Mé lɔɔn ńzɔɔn ńnyɛɛ wégè nò nénʉ́ tà pege ne ńzsé mboŋó, ḿbiŋ ńgwá’, ńké ńgÿo pɔ́ nò tepòŋ tà ńne ńzsé zsě, mbà tsɔ́ pwɔ́’ ndyɛ̀’ɛ gẅie ńgwɔ́ mé nuŋe lélɔg ńzyɛ́b menò tepòŋ mégè, é té gíŋe ńgwɔ́ wó wɔ́.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.

1 Jâŋ 1:9

Pege lɔɔn ńzẅíŋ mefʉa mégè, mbà Ssé ge lege ná né pege, éfó ná pege kẅile nò tepòŋ ntsèm, mélà’mie e Ssé ka’a mmó ńgÿo, á gwɔ́ ndʉŋ ndʉŋ

1 Jâŋ 5:16

Nyìŋ lɔɔn ńgyá à fɛ́ we ne ńgÿo nò tepòŋ, á ké tè nò tepòŋ gie ngàŋ ge fó mǒ é kwé kwé wɔ́, á sẅíŋte Ssé nà twó ngàŋ, mbà Ssé ge gÿo ngàŋ gwɔ́ wó, pá’ á lɔɔn ńkwa’ ńgwɔ́ nò tepòŋ gie à tè fó mǒ kwé kwé wɔ́. Tá’, atsɔ́ nò tepòŋ áa wó gie nyìŋ gÿo, éfó mǒ ńkwé kwé, n tě ńgɔɔn ngie mé sẅíŋte Ssé ná yɛ̌ ntí wɔ́.