Matio 12:3 - Nouveau Testament en Ngienboum

³ Yěsô tsɔ́’ɔ mbwó pɔ́b ngie: Pi laa fó ńtóŋo jʉ’e ŋwà’ne Ssé gie á la’te mmó gie fùɔ Ndavíd la gÿo wɔ́ ka? Pá’ á laa tsɔ̌ lyɛ̌’, nzyè gyáŋa wɔ́b lâ pʉ̀a pé.

Matio 12:3 ပူးပေါင်းရင်းမြစ်များ

Matio 12:2

Tsɔ́ pʉ̀a nà pà *farisay gyá pú’u, ńgɔɔn né Yěsô ngie: Líe tá ńgyá pá’ *ngàŋa kwò jú gÿo mmó gie *lepʉ̌ té ne ńzɛ́te, ngie mé gÿo lyɛ’ɛ́ nzse pa Yuda wɔ́.

Matio 12:4

Á kúu tsɛ̀ɛ *jʉ’ʉ Ssé, ḿbí mbelég gie mé nǎ mbwó Ssé, ḿpfɛ́ tà ńná yé *ngàŋa kwò yé, tá *lepʉ̌ gɔɔn ngie ndà’ *pànùŋe pwɔ́’ zɔ̌ gẅiin lépfɛ́!

Matio 12:5

Ka pi laa fó ńtóŋo tsɛ̀ɛ ŋwà’ne Mǒsê, ngie aa lyɛ’ɛ́ nzse pa Yuda, *pànùŋe pwɔ́’ pie pɔ́ gẅiin fà’ *jʉ’ʉ Ssé ké tè zẅɛte, tá á téen ńdɔgɔ ńgwɔ́ ngie pɔ́ fʉa *lepʉ̌ wɔ́.

Matio 19:4

Yěsô zɛ́te wɔ́b ngie: Pi tè tóŋo ŋwà’ne Ssé ńjú’ wɔ́ ka? Mé la ŋwe’e ngie: «E Ssé la fó nùŋe ngwòŋ ḿbwóon mámbàŋa pɔ́ manzwě».

Matio 21:16

ńdeen ńké ńzɛ́te Yěsô ngie: Tá ɔ̀ ne ńjú’u mmó gie penkʉ́ ne ńgɔɔn lɛ? Yěsô tsɔ́’ɔ mbwó pɔ́b ngie: N ne ńjú’u! MÀbiŋ ngie: Pi laa fó ńtóŋ nkàŋ ŋwà’ne Ssé gẅie é gɔɔn ngie: «Penkʉ́ tà mbɔɔ pûɔ mepÿɛ́, ńne ńdɔgɔ ncwò wɔ́b ńgu’te gú pá’ ɔ̀ ka tsɔ̌ɔn» wɔ ka?

Matio 22:31

ńgʉa ná mepfó pá’ pɔ́ ge gÿo zím, mbà pi laa fó ńtóŋo mmó gie Ssé la gɔɔn wɔ́ ka, à la te gɔɔn ngie:

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

Malékuse 12:26

Á gʉa nà mepfó pie é zimé nà legwé, mbà pi laa fó ńtóŋo mmó gie Mǒsê la ŋwe’e, ńda’te mmó gie e Ssé la gɔɔn né yé, á jʉ’ gie tsɔ̌ mûɔ métÿǒ laa wó, mmɔ̌g gwɔ́ mǒ wɔ́ kà? E Ssé la ne ńgɔɔn ngie: «Mèŋ, n gee Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b»

Lukase 10:26

Yěsô jú’ pú’u, ńgɔɔn mbwo yé ngie: Ɔ̀ tóŋo jú ŋwà’ne Ssé ńjú’u pɔ́ lêkɔ́?

Lukase 6:3

Yěsô tsɔ́’ ngie: Pi laa fó ńtóŋo jʉ’e ŋwà’ne Ssé gie á la’te mmó gie fùɔ Ndavíd la gÿo wɔ́ ka? Pá’ á laa tsɔ́ lyɛ̌’, nzyè gyáŋa yé lâ pʉ̀a pé,