Matio 12:25 - Nouveau Testament en Ngienboum

²⁵ Yěsô zsé nkwaŋá wɔ́b, ńgɔɔn né pɔ́b ngie: Epʉ̀a tà’a lá’ lɔɔn sele ńdÿɔ́’ ncù tsetsɛ̀ɛ pɔ́b, mbà yɛ̌ lá’ ge pyé. Epʉ̀a tà’a tÿǒsoŋ ka tà’a tsìŋe ndá wɔ́ piŋ sele ńdÿɔ́’ ncù tsetsɛ̀ɛ pɔ́b, mbà yɛ̌ tÿǒsoŋ ka yɛ̌ tsìŋe ndá wɔ́ ge pyé.

Matio 12:25 ပူးပေါင်းရင်းမြစ်များ

Matio 9:4

Yěsô zsé mmó gie pɔ́ ne ńkwaŋa, ńgɔɔn né pɔ́b ngie: Pi gÿo lêkɔ́ ńgẅiin yɛ̀ ntí mekwaŋá tepòŋ tsɛ̀ɛ ntʉ́m gẅí?

Malékuse 2:8

Yěsô gwóon ńzsé mmó gie pɔ́ ne ńkwaŋa, ńzɛ́te wɔ́b ngie: Pi gǎ ńgẅiin yɛ̂ ntí nkwaŋá ntʉ́m pi?

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

1 Korento 2:11

À lɔɔn ńgwɔ́ awɔ̌ zsé nò gie nyìŋ mesoŋ ne ńkwaŋa ntʉ́m ye té gwɔ́ pɔ́ ngàŋ? Á gíŋ ńgwɔ́ ndʉŋ ndʉŋ pá’ tsɔ̌ nyìŋ lɔɔn ńgwɔ́ á le zsé nò gie e Ssé ne ńkwaŋa té gwɔ́ pɔ́ Zẅìge Ssé wɔ́.

Galatia 5:15

Tá ńgwɔ́ gie pi lɔɔn ne ńgÿo pá’ menɔ̀ɔn mbà’ pie ée ssé ne ńdúmte membùm mɔ́b, ńnéŋe mefʉ̌ŋ, pi laga twó gí, á nue pi ee pú’u, ńcʉ́’ʉ fa’a pɔ́ lécʉŋte mennɛ́ mí.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.

Ŋwà’ne Ngyà jʉ’ 16:19

Máamáa tÿǒsoŋ wɛ̌ shʉ́ate nzsè tá. Metÿǒsoŋ mie ée ngwòŋo ngwòŋ é keme. E Ssé lêen ńké ńkímte máamáa tÿǒsoŋo Mbabilonia, ńgÿo á nú ntú’ melù’ gyáŋa lóŋ yé gie á pú ńgá’.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.