Matio 12:18 - Nouveau Testament en Ngienboum

¹⁸ À la gɔɔn ngie: «Wɔ̀ɔn aa ngàŋa fà’ wɔ̀ɔn mie n deen ńtsɔ́’. N kwoŋo yé tɛ’, yé zɔ gÿo ntʉ́m wɔ̀ɔn kág. Mèŋ n ge gÿo ńnéŋe Zẅìge yɔ́ɔn ná yé, à gÿo ńnyɛ ntí lesá’a lá’ gie ee ndʉŋ ndʉŋ mbwó melá’ mie e té pà Israel wɔ́.

Matio 12:18 ပူးပေါင်းရင်းမြစ်များ

Matio 12:17

Pú’u, ànò gie Ssé la lɔg ncwò Ntsẅì Nkʉ̀ we Esǎya ńgɔɔn, á lɔgɔ ḿbumte

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Malékuse 1:11

Ngyè fó tÿǒ lepwó ngie: Ɔɔ míŋ wɔ̀ɔn, mèŋ n kwoŋo ɔ́ tɛ’, n záb ntʉ́m wɔ̀ɔn ná gù.

Malékuse 9:7

Pɔ́ gwaa gyá, etsɔ́ melɔ́ɔn sẅɛ́’, ńkábte wɔ́b. Ngyè nyìŋ fóo tsoló ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’. Pi jú’ ncwò wé,

Lukase 23:35

Alá’ la tyé ńne ńdíe pá’ mé kime Yěsô. Pàsá’a lá’ ne ńzoonte Yěsô ńgɔɔn ngie: À la kẅé petsɔ́ pʉ̀a ncwò legwé, à gíŋe ńkẅé kwà’ yé twó, pá’ à lɔɔn ńgɔɔn tà shwóŋó nò ngie aa *Nzà’nkÿo gẅie Ssé la tsɔ́’.

Lukase 3:22

A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Lukase 9:35

Ngyè nyìŋ fóo tsɛ̀ɛ melɔ́ɔn ŋwɛ́, ńgɔɔn ngie: Wɔɔn aa míŋ wɔ̀ɔn mie n kǎŋ, pi jú’ ncwò wé.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

Efeso 1:6

À la lɔgɔ wégè ńgÿo púɔ pé le gwɔ́ gie pege ge gu’te yé ná máa nò té fʉ̀’ gẅie à la gÿo. Á la cʉa ná pá’ à la temte wégà Míŋ we gẅie à kwoŋe yé tɛ’, ńcÿó gʉm yégè, pú’u á gwɔ́ kwà’ máamaa nò tɛ’.

Kolosia 1:1

Yɔɔn ŋwà’ne fóo mbwo mèŋ Pɔl, e Ssé la kwoŋ ngie n gwɔ́ ngàŋ ntúm Yěsô Kristo. Peg fɛ́ wege Timoté náa

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

1 Piɛ 2:4

Pi sẅɛ’te nnɛ́ ńtó nê lejʉ́ŋ yé, yé zɔ náa kwà’ le gwɔ́. À lɔgɔ ńgwɔ́ tóon gẅie ŋwà’ne Ssé gɔɔn ngie pʉ̀a mesoŋ la gwá’, tá’ e Ssé kaŋa yé, á gwɔ́ mmó tʉ̀ nzẅìŋ mbwo yé.

2 Piɛ 1:17

Á fʉ̀’ gie Ssé Tá la ná legú’ mbɔɔ mekù’ á mbwo yé, mé jú’ ngyè Ssé gẅie à gẅiin metʉ̀, á gɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág.