Matio 12:10 - Nouveau Testament en Ngienboum

¹⁰ Àtsɔ̌ mámbàŋa gwɔ́ yé ndá ŋwɛ́, mbà pwó yé leen ńkwé. Pʉ̀a pie é laa ndá ne fa’a mmó gie pɔ́ ge fó mǒ lɔg sẅiŋe Yěsô, zɛ́te yé ngie: Áa nà *lepʉ̌ ségè pé’e ńgwaa we mé gÿo nyìŋ zeŋe lyɛ’ɛ́ nzse ka ngǎŋ?

Matio 12:10 ပူးပေါင်းရင်းမြစ်များ

Matio 12:2

Tsɔ́ pʉ̀a nà pà *farisay gyá pú’u, ńgɔɔn né Yěsô ngie: Líe tá ńgyá pá’ *ngàŋa kwò jú gÿo mmó gie *lepʉ̌ té ne ńzɛ́te, ngie mé gÿo lyɛ’ɛ́ nzse pa Yuda wɔ́.

Matio 19:3

Epʉ̀a ná nùɔ pà *farisay tó yɔ́b, ńkwa’te Yěsô, ńzɛ́te yé ngie: Tà áa pé’e *lepʉ̌ sége zẅíŋ ngie nyìŋ jwoŋo nzwě we tà mbɔɔ ná yɛ̌ nò wɔ́ gie à fʉ̌a?

Malékuse 3:2

Epʉ̀a gwɔ́ jʉ’ó, ńně ńdeŋe yé légyá kà à ge gÿo nyìŋ ŋwɛ́ zeŋe *lyɛ’ɛ́ nzsè wɔ́, pɔ́ fó mǒ, ésẅiŋe yé.

Lukase 11:54

ńgÿo pú’u, éfa’a létsíŋe yé tà gwɔ á gɔɔn nò éfʉa tsɔ́, pɔ́ zẅɛ́’ ḿbii yɛ̌ ńdɔg sẅiŋe yé.

Lukase 13:14

Tá ndÿò tsɛ̀ɛ *ndá cú’tè pà Yuda gyá pú’u, anò gyáŋa yé, mélà’mie Yěsô gÿǒ nyìŋ zeŋe lyɛ’ɛ́ nzsè. Á gɔɔn mbwo lá’ ngie, melyɛ’ɛ́ fà’ ée pá’a ńgwɔ́ ntɔgɔ́, pi ńnéŋe ńdɔgɔ megùɔ mí ńtóo ná mɛ̌ melyɛ̌’ mé zoŋo gẅí, tà pi tó lyɛ’ɛ́ nzsè!

Lukase 20:22

Shwóŋo wég: *Lepʉ̌ ségè ée pé’e ńzẅíŋ ngie pege má’ ncùb Kása pà *Roma kà ngǎŋ?

Lukase 23:14

ńgɔɔn né pɔ́b ngie: Pi ně ńgwɔ́ lɔgɔ nyìŋ wɔɔn tóo mvfò mèŋ, ńgɔɔn ngie à ne ńcʉŋte twó lá’. N ŋagá yé pɔ́ mvfò pi. N gʉ̌a nà menò mie pi ně ńgɔɔn ná yé, n tè gyá tsɔ́ mefʉ̀a wɔ́.

Lukase 23:2

Ńzye lésẅiŋe yé ngie: Peg gyǎ nyìŋ wɔɔn ne ngwá ńkʉ́’ʉ tsɛ̀ɛ ngwòŋ wég ńcʉŋte twó lá’, ńtɔ’ɔ wɔ́b léma’ ncùb ntÿɔ́’, nnáa mbwo Kása pà *Roma. A giŋé ne ńgɔɔn ngie aa *Nzà’nkÿo gẅie e Ssé la ka’a mbwo peg, ńdɔgɔ ńgɔɔn ngie aa fùɔ.

Ŋwà’ne Jâŋ 5:10

Pàsá’a lá’ pà Yuda leen ńké ńgɔɔn né nyìŋ gẅie à zeŋé ŋwɛ́ ngie: Ɔ̀ tè gẅiin lékaa mátà ńdɔg ńgiŋ pɛ́’ɛ̀ wɔ́. Á nue yɔɔn áa lyɛ’ɛ́ nzsè.

Ŋwà’ne Jâŋ 5:3

Megàŋ meguɔ ntí ntí nuŋte tsɛ̀ɛ mekɔ́’. Pàfʉ̀ menÿɔ́g, pà pwɔ́’te mekwò, mbaa megàŋ kwʉ́’te nuŋte wó, [ńne ńzẅí’te pá’ ntse gé cʉ’ʉ.

Ŋwà’ne Jâŋ 7:23

Tà á lɔɔn ńgwɔ́ gie à ńgwɔ́ pi pú’u múɔ lyɛ’ɛ́ nzsè, mbɔ́gɔ pá’ pi ge fʉa *lepʉ̌ Mǒsê, pi piŋe ńgyáŋa lóŋ ná mèŋ ngie mèŋ n gÿǒ nyìŋ zeŋe lyɛ’ɛ́ nzsè mélà’a kɔ́?

Ŋwà’ne Jâŋ 8:6

Pɔ́ gɔɔn pú’u, é gwɔ́ pɔ́ lejÿɔ’ lélɔg ńgwoon yé. Pɔ́ fa’a ndiletáŋ lélɔg sẅiŋe yé. Tá’ Yěsô ŋwé’e ssé, ńzye lélɔgɔ mûɔ tepwó we, ńŋwe’e mmó ssé.

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.