Matio 11:5 - Nouveau Testament en Ngienboum

⁵ éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 11:5 ပူးပေါင်းရင်းမြစ်များ

Matio 10:8

Pi gʉa ńgÿo megàŋa guɔ zeŋe, ńgÿo mepfó zím, ńgÿo megàŋ nkà’ pǎb zeŋe, ńjwoŋ *messé tepòŋ. Mé nǎ mbwó pi sẅɛɛ sẅɛɛ, pi gíŋe ńná gí sẅɛɛ sẅɛɛ.

Matio 11:4

Pɔ́ gʉa ńgyá Yěsô, á tsɔ́’ɔ mbwó pɔ́b ngie: Pi gʉa ḿbíte mmó gie pi jǔ’ mbɔɔ gie pi gyǎ éshwóŋó Jâŋ,

Matio 12:13

Yěsô leen ńké ńgɔɔn mbwó kwé pwó ngie: Siŋe pwó jú, á siŋ, mé gyá á gíŋe ńtʉte pá’ yetsɔ́.

Matio 21:14

Pàfʉ̀ menÿɔ́g mbɔɔ pàpwɔ́’te mekwò piŋ tóo lejʉ́ŋ Yěsô tsɛ̀ɛ *jʉ’ʉ Ssé, á gÿo pɔ́ zeŋe.

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Matio 9:30

Menÿɔ́g mɔ́b leen ńké ńgyá jʉ’. Yěsô tɔ’ɔ wɔ́b ngie: MÀbɔ́ɔn gẅi lé ké ńgÿo tà nyìŋ zsé pá’ á cʉ̌a pú’u.

Malékuse 7:37

Pʉ̀a metsèm ne ńjú’u, ḿbú ḿmɔɔn tà ńgɔɔn ngie à gÿo yé kɔ̀ɔkɔ́ɔ, á gwɔ́ pɔ́ mbòŋ. À gÿo pà mbǔ’ metuŋó jú’u nò, mbɔɔ pa támbǎ’ gíŋe shwóŋe.

Malékuse 9:25

Yěsô gyá, alá’ ne ńnɔ́ɔnte ńkẅi’i ńtóo tǒ, á cÿɔ́g *ssé tepòŋ ŋwɛ́, ńgɔɔn ngie: Gù *ssé tepòŋ gie e tsɛ́ɛ ncwò nyìŋ, ńziŋe pâ metuŋó mé, mèŋ n gwɔ gyá, mbà ɔ̀ fǒ ná múɔ wɛ̂ ńkẅɛ, ḿbɔ́ɔn lélá’ ńgíŋ ḿbiŋ nzèm ńkúu ná ye.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Ŋwà’ne Jâŋ 10:25

Yěsô tsɔ́’ɔ mbwo pɔ́b ngie: Mèŋ n ně ńdá’ shwóŋó gẅí, tá pi tè ne ńzẅíŋe wɔ́. Mefà’ mie mèŋ n ne ńdɔgɔ lezíŋ Tá wɔ̀ɔn ńgÿo ne ńda’te nyìŋ gẅie mèŋ n gee wɛ̌.

Ŋwà’ne Jâŋ 10:38

Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 2:23

Yěsô nyé ńgwɔ́ pɔ́ Yerósalem, mé ne ńjÿó línɔ́ɔn *páskà, alá’ gyá menò mmɔɔn mmɔɔn mie à ne ńgÿo, pʉ̀a tà ńgyɔ́ɔn záb ntʉ́m ná yé.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Ŋwà’ne Jâŋ 9:7

Ńgɔɔn né yé ngie: Gʉa sɔgɔ tsɛ̀ɛ gÿǒon ntse Siloé. Siloé lɔgɔ ńgɔɔn ngie Letúm. Afʉ̀ menÿɔ́g gʉa wó é sɔg shÿó wé, ńgwaa pìŋ nzèm ńne ńgyá jʉ’.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.