Matio 11:29 - Nouveau Testament en Ngienboum

²⁹ Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Matio 11:29 ပူးပေါင်းရင်းမြစ်များ

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 21:5

«Pi tsẅii mbwó pʉ̀a pie ée tsɛ̀ɛ tÿǒsoŋo Sioŋ ngie: Pɔ́ líe ńgyá pá’ fùɔ wɔ́b ne ńtóo né lejʉ́ŋ pɔ́b, ńgwɔ́ ngàŋ mbʉ́lè, ńnéŋe ndùm nzìkásè, á gwɔ́ mùɔ nzìkásè».

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 7:24

Nyìŋ lɔɔn ńtó ńtsɛ́ɛ wɔ̀ɔn, ńzẅí’te shwóŋò yɔ́ɔn, ńgÿo pá’ á ne ńzɛ́te, mbà ngàŋ gwá’a tsɔ̌ nzsè nò wá gẅie, à la cʉ́’ʉ lékwɛ́ ndá yé, ńtúŋo jʉ’ tà ńgyá máa tóon, ńtÿɔ́g ndá ndùm wɔ́.

Lukase 8:35

Alá’ jú’, ḿbú ńkẅɛ, ńtóo légyá yɔɔn nò, ńgʉa tà ńkúu jʉ’ gie Yěsô laa wó, ńgyá nyìŋ gẅie *messé tepòŋ ně ńkẅɛɛ ná yé lá ńnéŋe lejʉ́ŋ Yěsô, mbà à zeŋé, legye sé piŋ tà á ma’ nzsǒ. Pɔ́ gyá pú’u, ḿbú ńcÿɔ’.

Ŋwà’ne Jâŋ 13:15

Mèŋ n nyɛɛ gẅi fʉ̀’ légwɔ́ gie pi gí pi ge gÿo pá’ pi gyǎ mèŋ n gÿo.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

Megàŋ ntúm 7:37

Yé zɔ la gíŋe ńgɔɔn mbwó púɔ pà Israel ngie: «E Ssé ge lá’ gíŋe náa tsɔ̌ *ntsẅì nkʉ̀ Ssé né pi. À gwɔ́ pá’ mèŋ. À ge lá’ kẅɛ pɔ́ tsetsɛ̀ɛ pi.»

1 Korento 9:21

Mèŋ n gee fʉ̀’ gie mèŋ n ne fa’a tsɛtsɛ̀ɛ pʉ̀a pie *lepʉ̌ Mǒse té ne sá’a wɔ́b gwɔ́, mèŋ n ńnéŋe pá’ nyìŋ gẅie *lepʉ̌ té ne sá’a yé wɔ́ la, ńzsé ngie n ge lɔg pú’u, é gÿo pʉ̀a pie *lepʉ̌ té ne sá’a wɔ́b gwɔ́, e cʉ́’ pʉ̀a Kristo, ńnéŋe pú’u, á té ńdɔgɔ ńgɔɔn pɔ́ ngie *lepʉ̌ Ssé té ne sá’a wɔ̀ɔn mɔ́, é ne sá’a wɔ̀ɔn sá’, á nue mèŋ n neŋé pɔ́ ná pá’ *lepʉ̌ Kristo ne ńzɛ́te.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 10:5

Peg ne ńnyɛɛ ngie meshwóŋè mie pʉ̀a lɔgɔ ńŋá’te, é ne ńtáte pʉ̀a lézsé nò Ssé, é té tsɔ́ nò wɔ́, ńkaga tʉ̀ ńkúbe mmó gie pʉ̀a gẅiin ntʉ́m pɔ́b, ńgÿo pɛ̌ pʉ̀a cʉ́’ʉ ńjú’u pɔ́ ncwò Kristo.

Filipo 2:5

Pi gẅiin nkwaŋá gẅie Yěsô Kristo la gẅiin.

1 Tesalonika 4:2

Pi zɔɔn ne ńzsé mmó gie peg la lɔg lezíŋ Cʉ̀apʉ̀a Yěsô ńtsẅi ngie pi gÿo.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.