Matio 11:23 - Nouveau Testament en Ngienboum

²³ ńgʉ́a nà pi pʉ̀a Kapernawúm, pi kwǎŋ ngie Ssé ge kwé’e gẅi kwé’e tà pi kúu lefaŋ káa? Éshwóŋó gẅi ngie: Ngǎŋ, à ge sẅé’e gẅi sẅé’e pi gʉa tà ńkúu lá’ mepfó ssé. Á nue menò mmɔɔn mmɔɔn mie mé la gÿo lá’ pi, à laa pé’e ńgÿo pɔ́ Sodom, mbà Sodom aa yé pɔ́ wó tà ńkú lyɛ̌’ɔɔn

Matio 11:23 ပူးပေါင်းရင်းမြစ်များ

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Matio 16:18

N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́.

Matio 17:24

Yěsô pâ *ngàŋa kwò yé gʉa tà ńkúu Kapernawúm, pàkẅé ncùb *jʉ’ʉ Ssé tó ńzɛ́te Piɛ ngie: Tá gẅi aa ntě ńnáa yé ncùb *jʉ’ʉ Ssé wɔ́ ka?.

Matio 4:13

ńkúu Nǎzarɛd ńcʉa cʉa ńgʉa ńnéŋe Kapernawúm. Á gwɔ́ tÿǒsoŋ ńgwɔ́ ngʉ̀ŋe letʉŋ Galilea, á lá’ gie Zabuloŋ pɔ́ Neftali tÿɔ́’te yé ńnéŋe soŋ.

Matio 8:5

Yěsô gʉa tà ńkúu tÿǒsoŋ Kapernawúm, àtsɔ̌ tándá ncù pà *Roma zá’a yé, ésẅíŋte yé,

Lukase 10:15

ńgʉa ná pi pʉ̀a Kapernawúm, pi kwǎŋ ngie Ssé ge kwé’e gẅi tà pi kúu léfaŋ ka? E shwóŋó gẅi ngie ngǎŋ, à ge sẅí’i gẅi sẅí’i, pi gʉa tà ńkúu lá’ mepfó ssé.

Lukase 14:11

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.

Lukase 16:23

Á kúu lá’ mepfó, ḿbú ne ńgyá ngɔ́’ tɛ’, ḿma’ lejÿɔ́g ngʉ̀a shʉ̀shʉ̀a, ńgyá Ábalam, Nǎzalo ńnéŋe lejʉ́ŋ ye.

Lukase 4:23

Yěsô tsɔ́’ɔ mbwo pɔ́b ngie: Pi ge gÿo pɛ́’ɛ tà sag né mèŋ ngie: Angÿò meffo zoŋo twó mbùm yé, ńgie mmó gie mèŋ n ka gÿo Kapernawúm, n gíŋe ńgÿo jʉ̀’ɔɔn á lá’ peg, tá pi zẅíŋe wɔ̀ɔn.

Megàŋ ntúm 2:27

mélà’mie à lɔɔn ńgwɔ́ ɔ́ légwá’a wɔ̀ɔn lá’ mepfó wɔ́, ḿbiŋ ké lezẅíŋ ngie nyìŋ gẅie ɔ̀ la tsɔ́’ɔ yé à lʉ́ʉ tsɛ̀ɛ lesyè wɔ́.

Megàŋ ntúm 2:31

Á laa pú’u, mbà fùɔ Ndavíd tʉ́ njÿó ńzsé ngie *Nzà’nkÿo ge lá’ zíme nà legwé. Áa yɛ̌ tá à la gɔɔn nà *Nzà’nkÿo ngie: E Ssé ka té gwá’a yé, á zsó lá’ mepfó wɔ́, ḿbiŋ nke te zẅíŋ ngie à lʉ́ʉ tsɛ̀ɛ lesyè wɔ́.

Jẅide 1:7

pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 11:8

Mepfó mɔ́b ge gÿo nuŋte ná lǎŋ gie áa tsɛ̀ɛ máamáa tÿǒsoŋ. Mé lɔg ntí gie e Ssé lɔg ńgyá yé mmó, ńtóŋo wɛ̌ máa tÿǒsoŋ lê Sodom, mbɔɔ lê Egipto. Á gwɔ́ jʉ’ gie mé la zɔɔn ńkime Cʉ̀apʉ̀a wɔb ná tÿǒ nkǐ wó.

Ŋwà’ne Ngyà jʉ’ 20:13

Ntse té pàa ná mepfó pʉ̀a pie é la fÿɛ́ɛ ntse. Legwé mbɔɔ lá’ mepfó gíŋe ńná pɔ́b mepfó, mé ŋaga wɔ̌wɔ́ɔ ná pá’ mefà’ mé la gwɔ́.

Ŋwà’ne Ngyà jʉ’ 6:8

N díe ńgyá atsɔ̌ lÿóon kẅɛ, ńgeme síŋ sǐŋ. Lezíŋ nyìŋ gẅie à ńnéŋe mǒ gwɔ́ le legwé. À jʉ’ gie mepfó ée wó á gwɔ́ nzèm ye. Mé gabte ndùmo tsetsá’ nzsè lekùa, ńnáa tà’ nzsè ngie pɔ́ sá’ légwɔ́ gie pɔ́ ge lɔg nně ncù, é lɔgɔ gwáŋa, é lɔgɔ gwá’a mbɔɔ menɔ̀ɔn tsẅɛ̀, é zẅéte pʉ̀a ná yɛ̌ gwǒŋ.