Matio 11:20 - Nouveau Testament en Ngienboum

²⁰ Yěsô gɔɔn pú’u, ńzye léla’ pʉ̀a metÿǒsoŋ mie à la gʉa wó, ńgÿo menò mmɔɔn mmɔɔn tà é gyɔ́ɔn, pʉ̀a ŋwɛ́ ké tè sele nnɛ́ ńcʉ́me nzèm Ssé wɔ́.

Matio 11:20 ပူးပေါင်းရင်းမြစ်များ

Matio 12:41

Tà mèŋ shwóŋó gẅí, á ge lá’a lyɛ̌’ gie e Ssé ŋaga pʉ̀a mesoŋ, epʉ̀a Ninive lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn. Á nue Jonase la gɔɔn nò mbwó pɔ́b, pɔ́ jú’, ńkúbe mà wɔb. Nyìŋ gẅie à piŋe shwóŋó gẅi nò lyɛ̌’ɔɔn pi tě ńzẅíŋe wɔ́, à cʉa Jonase.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Malékuse 9:19

Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Megàŋ ntúm 17:20

Menò mie ɔ̀ gwaa shwóŋó wég ne ńkʉ’ʉ wég kʉ’ʉ. Peg ne ńkwoŋo lécwoŋo ńzsé pá’ ɔ̀ lɔgɔ ńgɔɔn.

2 Korento 12:21

Mèŋ n giŋé ńne ḿbɔ́gɔ légÿo ńgíŋe ńtó tà ńkúu lá’ pi, e Ssé yɔ̀ɔn gíŋe sẅí’i nzẅìŋ wɔ̀ɔn mvfò pi tà ndyɛ̌’ tsɔ́ n gẅiin lélʉa ńtí pʉ̀a tà ńgyɔɔn pie ée tsetsɛ̀ɛ pi, mbà pɔ́ lɔ́ɔn ńgÿo menò tepòŋ, pɔ́ laa mà wɔ́b kúbe, pɔ́ laa kẅɛɛ nà menò ncÿǒ mɔ́b wɔ́, ńké tè nò mpfwɔ́’ yɔ́b gwá’, ńké ne ńkẅi’i ńgÿo pɔ́ menò tepòŋ ntí ntí té gwoonte mbùm yɔb.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Ngyà jʉ’ 16:11

Ngʉ̀ngʉ̀ yɔb mbɔɔ mefʉ̌ŋ mɔ́b gÿo pɔ́ zoonte Ssé gẅie aa tÿǒ lepwó, tá’ ńké tè kúbe mà wɔb, ńgwá’ mefà’ tepòŋ mɔ́b wɔ́.

Ŋwà’ne Ngyà jʉ’ 16:9

Ejʉ’ lêen ńké ḿbú ńdum lum tà ńtuɔ pʉ̀a mesoŋ. Pɔ́ zoonte lezíŋ Ssé, gẅie yé zɔ gÿo tá pɔ́ gyá yɔɔn ngɔ́’ ntí ntí, ńgÿo pú’u, ńké tè kúbe mà wɔ́b ńnáa legú’ mbwo Ssé wɔ́.

Ŋwà’ne Ngyà jʉ’ 2:21

N ka na’á ńne ńzẅí’te zẅi’té ngie à kúbe mà we. Tá’, à tè ne ńkwoŋo lékúbe mà mpfwɔ́’ ŋwɛ́ wɔ́.