Matio 11:2 - Nouveau Testament en Ngienboum

² Á gwɔ́ fʉ̀’o, Jâŋ Mbabtis gwɔ́ ndá ntsǎŋ, ńjú’ mé ne shwóŋó á na menò mie Yěsô gẅie aa Kristo ne ńgÿo. Á túm tsɔ́ *ngàŋa kwò yé ngie pɔ́ gʉa ńzɛ́te yé ngie,

Matio 11:2 ပူးပေါင်းရင်းမြစ်များ

Matio 1:17

E lɔgɔ ḿbú ńgwɔ́ mejwoŋó ntsɔ̀b lekùɔ nê legém tà fó ná Ábalam ńgʉa ńkúu nà Ndavíd, ńgíŋe ńgwɔ́ mejwoŋó ntsɔ̀b lekùɔ nê legém tà fó ná Ndavíd ńkúu nà fʉ̀’ gie mé la gwoon pà Israel, pɔ́ cʉ́’ megàŋa tsǎŋa ncù, mé lɔgɔ wɔ́b ńgee Mbabilonia, ḿbɔ́ɔnte mé gíŋe ńgẅiin mejwoŋó ntsɔ̀b lekùɔ nê legém tá ńgʉa ńkúu ná *Nzà’nkÿo

Matio 14:3

*Herôd gɔɔn pú’u, mélà’mie à la gÿo mé gwoon Jâŋ, ńkwɛ́ɛ yé ńnéŋe yé ndá tsǎŋ, mélà’ *Herôdiad gẅie à laa nzwě Filib, fɛ́ *Herôd ŋwɛ́.

Matio 4:12

Mé la ńnéŋe Jâŋ ndá tsǎŋ, Yěsô gÿo ńjú’, ńgʉa lê Galilea,

Matio 9:14

Megàŋa kwò Jâŋ gÿo ńtó, ńzɛ́te Yěsô ngie: Peg lâ pà *farisay neŋé ńkwoŋ kwoŋ ńnéŋe nzyè, epú ké tè pú’u, gÿo mélà’a kɔ́?

Malékuse 6:17

Á la gwaa gwɔ́, mbà fùɔ *Herôd ka gÿo mé gwoon Jâŋ, ńkwɛ́ɛ yé ńgʉa ḿma’a ndá tsǎŋ, mélà’ *Herôdiad gẅie à laa nzwě fɛ́ we Filib, tá á kaa.

Lukase 3:19

Ńkag mbàa ngúmnɔ́ɔn *Herôd ńtí pá’ à la kaa *Herôdiad gẅie à laa nzwě métá we, ńgíŋ ńkaga yé ńtí tsɔ́ menò tepòŋ tà ńgyɔ́ɔn.

Lukase 9:7

Fùɔ *Herôd gẅie à lɔ̌ɔn sá’a pàga ngwòŋ Galilea jú’ mé kíme nò nà mefà’ mie mé ne fa’a nà lezíŋ Yěsô, á gege yé tɛ’, ńzɔɔn ńgwaa gwɔ́, epʉ̀a ne ńgɔɔn ngie Yěsô ŋwɛ́ aa Jâŋ gẅie à kéen ńzím.

Ŋwà’ne Jâŋ 4:1

Pa *farisay jú’ mé ne ńgɔɔn ngie nzẅìŋ pʉ̀a pie é ne ńcʉ́me nzèm Yěsô cʉa pe Jâŋ, á gíŋe ńne ńnu’u pʉ̀a ntse é gyɔ́ɔn ńcʉa pe Jâŋ.