Matio 10:7 - Nouveau Testament en Ngienboum

⁷ Pi gʉa sá’ éshwóŋ pʉ̀a ngie: *Lefùɔ Ssé tsoté tà ne ḿbɔ́ɔnte.

Matio 10:7 ပူးပေါင်းရင်းမြစ်များ

Matio 10:8

Pi gʉa ńgÿo megàŋa guɔ zeŋe, ńgÿo mepfó zím, ńgÿo megàŋ nkà’ pǎb zeŋe, ńjwoŋ *messé tepòŋ. Mé nǎ mbwó pi sẅɛɛ sẅɛɛ, pi gíŋe ńná gí sẅɛɛ sẅɛɛ.

Matio 11:1

Yěsô la gɔɔn yɔ̀ɔn nò mbwó *ngàŋa kwò yé ntsɔ̀b pʉ́a nê legém tà ńtsẅé jʉ’, éfo jʉ’ó ńgʉa, ńgiŋe ńzí’i pʉ̀a mmó ḿbiŋe ńtsẅì nkʉ̀ mbòŋo tsɛ̀ɛ metÿǒsoŋ na yɛ̌ pàga ngwòŋ.

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Matio 21:43

Áa pú’u, tá mèŋ shwóŋó gẅi ngie mé ge kẅé jʉ’ʉ gí tsɛ̀ɛ *lefùɔ Ssé, é náa mbwó tsɔ́ túm gie á ge gÿo mmó gie e Ssé ne ńkwoŋo. [

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Malékuse 6:12

Pɔ́ gwá ńgiŋe jʉ’ ntsèm ńgɔɔn ngie: Á ne ńzɛ́te ngie mânyìŋ ntsèm kúbe mà.

Lukase 16:16

Yěsô gíŋe ńgɔɔn ngie: Jâŋ ka gwaa tó, mé ne ńjú’u pɔ́ mbʉ̌ Mǒsê, pɔ́ menò *pàntsẅì nkʉ̀ Ssé, mé ée fʉ̀’ɔɔn ńne ńtsẅii Nkʉ̀ Mbòŋo ńdɔgɔ́ ḿbÿé ngie *lefùɔ Ssé zyě létó. Awɔ̌wɔ́ɔ ne ńkaga tʉ̀ lézẅíŋ ngie Ssé zɔ cʉ’ʉ́ sá’a yé.

Lukase 9:2

Ńdêen ńké ńtúmo wɔ́b ngie pɔ́ gʉa shwóŋ pá’ nò *lefùɔ Ssé áa pú’u, ńgíŋ ńgÿo megàŋa guɔ zeŋe,

Lukase 9:6

Pɔ́ lêen ńké ńgʉa, ńkʉ́’ʉ melá’ melá’, ńgiŋe ńtsẅii Nkʉ̀ Mbòŋo gẅie é fóo mbwo Ssé, ńgíŋe ně ńgÿo megàŋa guɔ zeŋe.

Lukase 9:60

Yěsô tsɔ́’ɔ mbwo yé ngie: Nyé mepfó pɔ́ túŋ mepfó pɔ́b. Ɔ̀ gẅiin pɔ́ légʉa shwóŋ pá’ nò *lefùɔ Ssé áa pú’u.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Megàŋ ntúm 10:25

Piɛ tó tà ńgwɔ́ ńkúu ndá, Kornɛy tó ńzá’a yé, ńnuŋe mekwò yé, ńgÿo mekù’ mé.

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Megàŋ ntúm 4:2

Anò pú ne ḿbÿɔ́gɔ wɔ́b tɛ’, mélà’mie Piɛ pɔ́ Jâŋ la ne ńzi’i lá’ ngie e Ssé ge gÿo zím pʉ̀a nà legwé pɔ́ ndʉŋ ndʉŋ pá’ à ka zíme Yěsô.