Matio 10:32 - Nouveau Testament en Ngienboum

³² Nyìŋ lɔɔn ńgɔɔn mvfò lá’ ngie: Mèŋ n ge nyìŋ Yěsô. Mbà mèŋ n ge lá’ gɔɔn yɔ́ɔn mvfò Tá wɔ̀ɔn gẅie aa tÿǒ lepwó ngie: Nyìŋ wɛ̂ aa wɔ̀ɔn nyìŋ.

Matio 10:32 ပူးပေါင်းရင်းမြစ်များ

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 3:5

Áa pá’ nyìŋ gẅie à ge lá’ lÿɔ́’ ncù tà cʉa nò tepòŋ ge lá’ ma’ mefɔ́gɔ nzsǒ pú’u. Mèŋ m biŋ le lá’ ńzá’ lezíŋ sé tsɛ̀ɛ ŋwà’ne gie e Ssé la ŋwe’e mezíŋ pʉ̀a pie pɔ́ gẅiin le gwɔ́ tèmì tsoló wɔ́. N gÿo ńtÿé mvfò Tá wɔ̀ɔn pâ mecÿɔ́’ pé, ńgɔɔn ngie aa wɔ̀ɔn nyìŋ.