Matio 10:27 - Nouveau Testament en Ngienboum

²⁷ Ànò gie mèŋ n gɔ̌ɔn mbwó pi á tsɛ̀ɛ nzěm, ejʉ’ lɔɔn ńgÿo fɔ́g pi gɔɔn. Ànò gie n demté pɔ́ letuŋó pi, pi gÿo ńkwɔ́’ɔ gyɛ̌ tá sá’a yɛ̌ nò.

Matio 10:27 ပူးပေါင်းရင်းမြစ်များ

Matio 24:17

Nyìŋ gẅie à ge lá’ gwɔ́ nà tetʉ́a gie aa ntsɔ̀’ ndá, á pɔ́ɔn lésẅɛ́’ ngie à ge píi mmó ndá tá lɔg kÿo.

Lukase 12:3

Áa pú’u, tà ńgwɔ́ gie pi lɔɔn ńdá’ lêtsẅɛ́’, éshÿɔ́g ncwò gẅi ssé, ńgɔɔn nò, mbà jʉ’ ge gÿo fɔ́g mé pú jú’. Anò gie pi lemté pɔ́ letuŋó, á tsɛ̀ɛ lûm ndá, mbà mé ge lá’ kwɔ́’ɔ gyɛ̌ tá sá’a yɛ̌ nò.

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Ŋwà’ne Jâŋ 16:1

Mèŋ shwóŋó gẅi mɔɔn menò légwɔ́ gie pi tè cʉ́’ nzèm gwá’a lézáb ntʉ́m ná mèŋ wɔ́.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Ŋwà’ne Jâŋ 16:25

Mèŋ n dɔg pɔ́ sagá nò ńgɔɔn mɔɔn menò. Atsɔ́ fʉ̀’ ge gÿo gwɔ́, ń de gíŋe ńdɔg pɔ́ sagá nò ńgɔɔn nò mbwo pi wɔ́. Mèŋ n cʉ́’ʉ shʉ̀ashʉ̀a shwóŋó gẅi nò gie á líe Tá wɔ̀ɔn.

Ŋwà’ne Jâŋ 16:29

*Ngàŋa kwò yé lêen ńké ńgɔɔn ngie: Gyá pá’ ɔ̀ shʉ̀ashʉ̀a ńgɔɔn nò té lɔg sagá nò.

Megàŋ ntúm 17:17

Á ne ńgee ndà cú’tè pà Yuda, ńkẅɛ́te pà Yuda mbɔɔ pàzẅíŋe nò Ssé pà Yuda ńne shwóŋó wɔ́b nò, ńgwɔ́ lyɛ̌’ ntsèm, ńgee ndùmo gyɛ̌, ńgyá pʉ̀a pie ée wó, ńgíŋe shwóŋó wɔ́b nò.

Megàŋ ntúm 5:20

Pi gʉa ńtyé tsɛ̀ɛ gyɛ̌ gie áa tsɛ̀ɛ *jʉ’ʉ Ssé éshwóŋó lá’ menò mie é líe le gwɔ́ we sẅe.

Megàŋ ntúm 5:28

Peg ka té tɔ’ɔ gẅi legíŋ ńzí’i nò nyìŋ ŋwɛ́ á mbwo pʉ̀a wɔ́ le? Pi pǐŋ ńdɔgɔ nò yé mbú saa Yerósalem ntsèm. Pi te pɛ́’ɛ̀ fa’a ngie mé yé peg zsé nò nà legwé wé wáa?

2 Korento 3:12

Pá’ peg ne ńnyɛ́te ńzsé ngie mɔɔn menò ée nénʉ́ la, peg shʉashʉa ńgɔɔn nò mǒ.