Matio 10:23 - Nouveau Testament en Ngienboum

²³ Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 10:23 ပူးပေါင်းရင်းမြစ်များ

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 2:13

Pɔ́ gwɔ́ tà ńgʉa, Yesyɛ̂b lyé njÿòon, ńgyá tsɔ̌ *Cÿɔ́’ Cʉ̀apʉ̀a tó, ńgɔɔn né yé ngie: Lu ssé, ńkáa múɔ, pi lâ mápfò kÿo, ńgʉa lê tsɛ̀ɛ ngwòŋ Egipto, ńnéŋe wó. Mèŋ, n ge gÿo shwóŋó gú fʉ̀’ gie ɔ̀ ge piŋ nzèm. Á nue *Herôd ge fa’a múɔ wɛ̂ lézẅé yé.

Matio 23:34

Pi ké ńjú’, mèŋ n ge gÿo túm pà *ntsẅì nkʉ̀ Ssé, pâ pàzsé nò, pâ *pàkyagte lepʉ̌ Mǒsê. Pi zẅéte petsɔ̌, ńkim petsɔ̌ ná tÿǒ nkǐ, ńcúɔ petsɔ́ nê mengwɔɔn á tsɛ̀ɛ *mendá cú’tè mí, éfó metÿǒsoŋ metÿǒsoŋ ńnɔ́ɔn wɔ́b.

Matio 23:36

Mèŋ shwóŋó gẅí, kwà’ nénʉ́, mé ge lá’ tsɔ́’ ndu ndú menò ámɛ̌, é ná né pʉ̀a pie ee tsɛ̀ɛ njÿó fʉ’ɔɔn.

Matio 24:27

Pi zsé ngie á lɔɔn ńgwɔ́ gie nně mbʉ̀ŋ gÿo lê ŋwaŋ, éfó sǎ’ nèm, ńgʉa ńkú mbyě nèm mé pú ńgyá lêkɔ́ wɔ́, mbà *Míŋ Nyìŋ ge lá’ tó pɔ́ pú’u.

Matio 24:30

Àliŋé *Míŋ Nyìŋ leen ńké ńkẅɛɛ lefaŋ. «Mengwòŋo mengwòŋ mie ée ndùmo ssé tsetsá’ kɔ́’ legwé ńdʉa, mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn tÿǒ lefaŋ ne ńtóo, ńgẅiin shʉ́shÿɔ́g mbɔɔ máamáa metʉ́»,

Matio 24:34

Mèŋ shwóŋó gẅí, kwà’ nénʉ́, pʉ̀a pie ee tsɛ̀ɛ njÿó fʉ’ɔɔn té ńge lá’ kwéte tà mag té gwɔ́ gie mɔɔn menò ntsèm é tǒ wɔ́.

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Matio 4:12

Mé la ńnéŋe Jâŋ ndá tsǎŋ, Yěsô gÿo ńjú’, ńgʉa lê Galilea,

Malékuse 13:26

Mé leen ńké ńgyá «*Míŋ Nyìŋ gwɔ́ tsɛ̀ɛ melɔ́ɔn, ńne ńtóo», ńgẅiin shʉ́shÿɔ́g mbɔɔ máamáa metʉ̀.

Lukase 18:8

Tà mèŋ n ké shwóŋó gẅí, à tè láté létó ńkẅéte wɔ́b gwɔ́. Tá’, tà á pá’ɔɔn, *Míŋ Nyìŋ gÿo ńgwaa tóo ndùmo ssé tsetsá’, ńgyá pʉ̀a mesoŋ ne ńzába ntʉ́m nà Ssé?

Lukase 21:27

Mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn ńne ńtóo, ńgẅiin shʉ́shÿɔ́g mbɔɔ máamáa metʉ̀.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Megàŋ ntúm 17:10

Nzěm lêen ńgwaa síŋ, mefɛ́ mefɛ́ gÿo Pɔl pɔ́ Silas gʉa nê tÿǒsoŋ Mbelɛ, ńgʉa tà ńkúu wó, ńgʉa *ndá cú’tè pà Yuda.

Megàŋ ntúm 17:14

Mefɛ́ mefɛ́ gwóon ńgÿo Pɔl lɔg shÿó ntse té pàa ńgʉa. Silas pɔ́ Timoté cʉ́’ ńzso Mbelɛ.

Megàŋ ntúm 20:1

Avà’ gÿo ńgwɔ́ tà ḿmaga Efeso, Pɔl cú’te pʉ̀a Kristo, ńkẅiŋte wɔ́b, ńdeen ńde’e wɔ́b, ńcʉ́me mánzsè ńgʉa nê Makedonia,

Megàŋ ntúm 8:1

Sɔ̂l tyé jʉ’ó, ńzẅíŋe mmó gie mé gÿǒ ná Etien Á la fó lyɛ̌’ ŋwɛ́, mé zye lényɛ pʉ̀a Kristo ngʉ̀ngʉ̀ á Yerósalem tɛ’. Pɔ́ pú ńkÿo, ésa jʉ’ ná shÿó Jẅidea lâ Samalîɛ tà é cʉ́’ pɔ́ ndà’ megàŋ ntúm Yěsô á Yerósalem.