Matio 10:22 - Nouveau Testament en Ngienboum

²² Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

Matio 10:22 ပူးပေါင်းရင်းမြစ်များ

Matio 10:39

Nyìŋ lɔɔn ngie à ge pɔ́ɔn we légwɔ́ wó, mbà à ge pyé, tá nyìŋ gẅie à pǐŋ ńzẅíŋe lépyé mélà’ mɔ́ɔn zɔ gÿó ńgwɔ́ wó.

Matio 24:13

Tá, nyìŋ gẅie à shÿɔg shÿɔg té kʉa zɔ́ gÿo ńtsẅɛ́.

Matio 24:9

Mé gwoon gẅi ńná mé nyɛɛ gẅi ngɔ́’, é gÿo mé zẅé gẅí. Melá’ ntsèm ge lá’ pú pʉ̀a gẅi mélà’ mɔ́ɔn

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Malékuse 13:13

Epʉ̀a metsèm ge lá’ pú pʉ̀a gẅi mélà’ mɔ́ɔn, tá’, tá nyìŋ gẅie à kě shÿɔg shÿɔg té kʉ́a zɔ ge gÿo ńtsẅɛ́.

Lukase 21:17

Pʉ̀a metsèm ge lá’ pú pʉ̀a gẅi mélà’ mɔ́ɔn.

Lukase 21:19

Pi shÿɔg shÿɔg, ńgÿo ńgẅiin légwɔ́ tèmì.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Ŋwà’ne Jâŋ 17:14

Mèŋ n ka tsẅi nò jú mbwo pɔ́b, pà tsɛ̀ɛ njÿó pʉa wɔ́b ńtí nue pɔ́ zɔɔn tè pʉ̀a njÿó wɔ́ pá’ mbɔɔ mèŋ yɔ́ɔn n tè nyìŋ jÿó wɔ́.

Ŋwà’ne Jâŋ 7:7

Alɔɔn ńgwɔ́ pʉ̀a njÿó le gẅi pʉ̀a. Tá ńgʉa ná mèŋ, mbà pɔ́ pʉa wɔ̀ɔn, mélà’mie mèŋ n kě ne shwóŋó wɔ́b shwóŋ ngie ngÿǒ nò wɔ́b té poŋ.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

2 Korento 4:11

Peg pie peg nyé wó, peg ee fʉ̀’ ntsèm ńgwɔ́ pɔ́ ncwò legwé, ńtí nò Yěsô. Áa pú’u, légwɔ́ gie mé ge líe wég, é gyá ngie le gwɔ́ we Yěsô aa nà mbùm yeg tà mbɔɔ pá’ e ge gÿo kwé.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

1 Jâŋ 3:13

Mefɛ́ pɔ́ɔn, epʉ̀a njÿó lɔɔn ḿbʉa gẅí, tà pi mmɔɔn mmɔɔn.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 2:17

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. N ge lá’ náa mána gẅie aa lelyěen, mbɔɔ féfɔ́gɔ kwá’a, á mbwo nyìŋ gẅie à lÿɔ̌’ ncù tà ńcʉa nò tepòŋ, mbà mé ŋwe’é lezíŋ sẅé ná kwá’a ŋwɛ́, é gwɔ́ sie tsɔ̌ nyìŋ tè zsé tà ndí ndà’ nyìŋ gẅie mé nǎ kwá’a ŋwɛ́ mbwo yé.

Ŋwà’ne Ngyà jʉ’ 2:26

Á gʉa ná nyìŋ gẅie à ge gÿo lÿɔ́’ ncù tà cʉa nò tepòŋ, á nyìŋ gẅie à ge gÿo é ké ne gÿo pɔ́ mmó gie mèŋ n da tsẅi ngie mé ne ńgÿo, á légÿo pɔ́ pú’u, tà ńkúu lyɛ’ɛ́ nzsònzèm, mbà mèŋ n ge lá’ ná metʉ̀ mbwo ye, à lɔg sá’ patè zsé Ssé.

Ŋwà’ne Ngyà jʉ’ 2:3

Pi ne ńkaga tʉ̀. Pi ka gyá ngɔ́’ ńtí wɔ̀ɔn, ńké tè kʉ́a.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.