Matio 10:20 - Nouveau Testament en Ngienboum

²⁰ mélà’mie pi zɔ tě ge zɔɔn lá’ gɔɔn nò wɔ. Àzẅìge Tá gẅi zɔ̌ ge lá’ lɔgɔ gẅi gɔɔn nò.

Matio 10:20 ပူးပေါင်းရင်းမြစ်များ

Matio 6:32

Pàte zsé Ssé zɔ̌ ńnéŋe ńgẅiin yɛ̌ ntí nkwaŋá. Á gʉa ná pi, mbà Tá gẅi Ssé zsé shúm sie é ge kẅéte gẅí.

Malékuse 12:36

Mèŋ n ne ńzsé ngie: A Zẅìge Ssé la tsóte fùɔ Ndavíd, kwà’ yé lê twó mbùm yé gɔɔn nò ńtí *Nzà’nkÿo ngie: «Cʉ̀apʉ̀a Ssé gɔ̌ɔn mbwo wɔ̀ɔn Ndè ngie: Tóo ńnéŋe nà gwoŋó pwó yɔ́ɔn ye tʉ̀, tà à lá’ ńkú fʉ̀’ gie mèŋ sẅǐŋ megàŋ mbù pú mbwo gù, tà ɔ̀ tÿɔ́g mekwò mú twó pɔ́b»

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Lukase 12:12

Á ge gÿo gwɔ́ fʉ̀’ó, à Zẅìge Ndʉalʉ̌a shwóŋó gẅi nò gie pi ge gɔɔn.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Megàŋ ntúm 13:9

A Zẅìge Ndʉalʉ̌a jÿó Sɔ̂l, gẅie mé gíŋe ńtóŋo yé le Pɔl la. Á lêen ńké ńdíe Elimas,

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Megàŋ ntúm 28:25

Pɔ́ cʉ́’ʉ légʉa, pɔ́ té gíŋe shwóŋó ńjú’e wɔ́. Pɔl cʉ́’ ńgɔɔn né pɔ́b pɔ́ ngie: A Zẅìge Ssé lɔ́ɔn ńgɔɔn shwóŋó nò. Á la lɔg ncwò *ntsẅì nkʉ̀ Ssé Esǎya ńgɔɔn né metá pi ngie:

Megàŋ ntúm 4:8

À Zẅìge Ndʉalʉ̌a jÿó Piɛ. Á lêen ńké ńgɔɔn ngie:

Megàŋ ntúm 6:10

Pâ pɔ̌ ně ńzoŋo pú’u, atsɔ̌ nyìŋ té ŋaga yé tà ńjÿó wɔ́, mélà’mie Zẅìge Ssé lɔ́ɔn náa yé legye lélɔg ńgɔɔn nò.

2 Korento 13:3

Pá’ pi ké ne fa’a légyá mmó gie á nyɛɛ ngie anò gie á kẅɛɛ ncwò mèŋ á fóo mbwo Kristo la, pi ge ké gÿo gyá. Pi zsé ngie Kristo tè ne ńzɔ́bte gẅi wɔ́. À ne ńnyɛɛ metʉ̀ mé tsetsɛ̀ɛ pi.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

2 Piɛ 1:21

Á nue kɔ̀ɔkɔ́ɔ gie pà *ntsẅì nkʉ̀ Ssé lǎ tsẅi, pɔ́ laa gwaa tsẅi, a fóo pɔ́ nà legyè nyìŋ mesoŋ wɔ́. Pɔ́ gwaa gɔɔn nò gie Ssé ne ńkwoŋo ngie pɔ́ gɔɔn, à Zẅìge Ndʉalʉ̌a zɔ̌ tsóte wɔ́b tá pɔ́ gɔɔn.