Matio 10:2 - Nouveau Testament en Ngienboum

² Mezíŋ megàŋ ntúm Yěsô ntsɔ̀b pʉ́a nê legém ŋwɛ́ é mɔ̀ɔn: Ànduŋ mvfò aa Símo gẅie mé gíŋe ńtóŋo yé lê Piɛ. Wetsɔ̌ gwɔ́ Ndeléya ńgwɔ́ fɛ́ Piɛ. Petsɔ́ gwɔ́ Jâg míŋ Zebede pɔ́ fɛ́ we Jâŋ,

Matio 10:2 ပူးပေါင်းရင်းမြစ်များ

Matio 17:1

É cʉa lyɛ̌’ ntɔgɔ́, Yěsô faga Piɛ, ńgÿo Jâg, ńgÿo Jâŋ á gwɔ́ fɛ́ Jâg, ńdɔgɔ wɔ́b ńgʉa ńkwɔ́’ɔ nà tsɔ̌ mâ lekwɛ́. Pâ pɔ́ gwɔ́ jʉ’ó gíle pɔ́b.

Matio 20:20

Má pà Jâg pɔ́ Jâŋ, é gubé Zebede, leen ńké ńdɔgɔ wɔ́b ńtóo mvfò Yěsô, ńkẅí’te ssé lélúɔ tsɔ́ mmó mbwó yé.

Matio 26:37

éfaga piɛ pâ penkʉ́ Zebede mépʉ́a, pâ pɔ̌ gʉa, á zye lé jú’ kekáŋ ntʉm ye, legwé pfɛ́ɛ yé,

Matio 4:18

Yěsô gÿo ne ńgiŋe ngʉ̀ŋe letʉŋ Galilea, ńgyá Símo gẅie mé gíŋ ńtóŋo yé ngie Piɛ, mbɔɔ Ndeléya gẅie aa fɛ́ Símo ŋwɛ́. Pɔ́ ne ma’a lekÿò ntse.

Matio 4:21

Mé ná’a ńzye ńgiŋ, Yěsô gyá Jâg pɔ́ Jâŋ, é gwɔ́ gubé Zebede, pâ tá wɔb pú ńgwɔ́ tsɛ̀ɛ kanú’ ńne ńnyɛte menkÿò mɔ́b, á tóŋo wɔ́b.

Malékuse 1:29

Yěsô pâ *ngàŋa kwò yé gÿo fó *ndá cú’tè ńkẅɛ, ńgʉa nê ndá pà Símo pɔ́ Ndeléya. Pâ Jâg pɔ́ Jâŋ pú ńgwɔ́.

Malékuse 13:3

Pɔ́ gʉa tà ńkúu lekwɔ’ɔ́ metÿǒ mèvɛ olive, Yěsô ńnéŋe ssé tà ne ńgyá *jʉ’ʉ Ssé. Piɛ pɔ́ Jâg, ńgÿo Jâŋ pɔ́ Ndeléya fág nnɛ́, ńtó ńzɛ́te yé ngie:

Malékuse 6:30

*Megàŋ ntúm Yěsô pɛ̌ gʉa tà ḿbiŋ, ńtó ńcú’te lejʉ́ŋ yé, ńně ḿbíte shúm ntsèm sie pɔ́ pǔ ńgÿo, éshwóŋó yé tà mbɔɔ mmó gie pɔ́ zi’í pʉ̀a.

Lukase 11:49

Mbà Ssé la tʉ́ njÿó ńdɔg legyè sé ńgɔɔn ngie: «Mèŋ n ge túm pàntsẅì nkʉ̀ pɔ́ɔn tà mbɔɔ megàŋ ntúm pɔ́ɔn á mbwo pɔ́b, pɔ́ tó ńgwoon petsɔ́ ńzẅéte, ńnyɛ petsɔ́ ngɔ́’».

Lukase 22:14

Afʉ̀’ gÿo ńku’, Yěsô pâ ngàŋ ntúm wé tó ńnéŋe ssé,

Lukase 22:8

Yěsô túmo Piɛ pɔ́ Jâŋ, ńgɔɔn né pɔ́b ngie: Pi gʉa ńcwoŋte ségè shúm *Páskà.

Lukase 5:10

Tà mbɔɔ Jâŋ pɔ́ Jâg, é gubé Zebede, gie é laa ngàŋa yetsɔ́ kanú’ la gíŋe ḿbú ḿbɔ́g yɔ́b tɛ’. Tá Yěsô gɔɔn né Símo ngie: Tè pɔ́g pɔ̌g, tà fó lyɛ̌’ɔɔn, ɔ̀ ge nyé légwoon messó é cʉ́’ʉ cú’te pɔ́ pʉ̀a mesoŋ.

Lukase 9:10

Megàŋ ntúm Yěsô piŋ nzèm, ḿbíte pá’ pɔ́ lɔ̌g fa’ pú’u, éshwóŋó yé. Yěsô jú’, ḿbiŋ faga wɔ́b, pâ pɔ̌ tsẅe nùɔ, ńgʉa lê shÿó tÿǒsoŋo Mbetsayida.

Ŋwà’ne Jâŋ 12:22

Filib gʉa shwóŋó Ndeléya, pɔ́ yé mépʉ́a gʉa ńgɔɔn mbwo Yěsô.

Ŋwà’ne Jâŋ 13:23

Atsɔ̌ tà’ ná *ngàŋa kwò yé gẅie à lɔ̌ɔn ńkwoŋo yé tɛ’, á gwɔ́ lejʉ́ŋ yé ńne ńjÿó mmó.

Ŋwà’ne Jâŋ 20:2

Á kÿote, ńgʉa ńgyá Símo Piɛ pɔ́ wetsɔ̌ *ngàŋa kwò Yěsô gẅie Yěsô lɔ̌ɔn ńkwoŋo yé tɛ’, ńgɔɔn né pɔ́b ngie: Mé ně fó tsɛ̀ɛ lesyè, ńkẅile pfó Cʉ̀apʉ̀a. Peg tè ne ńzsé jʉ’ gie mé ně ńzába wó wɔ́.

Ŋwà’ne Jâŋ 21:2

Etsɔ́ *ngàŋa kwò Yěsô la pú ńcú’te tà’a jʉ’. Wɔɔn laa Símo Piɛ, né Tomáse mélefág, ńgÿo Natanaye mûɔ Kána tsɛ̀ɛ pàga ngwòŋ Galilea, nê pènkʉ́ Zebede, mbɔɔ yetsɔ́ *ngàŋa kwò Yěsô yépʉ́a.

Ŋwà’ne Jâŋ 21:20

Piɛ sele nnɛ́, ńgyá *ngàŋa kwò gẅie Yěsô kwoŋo yé tɛ’ la, á gẅie mé la ne ńjÿó shúm, á ŋwe’e letuŋó Yěsô ńzɛ́te yé ngie: Cʉ̀apʉ̀a awɔ̌ gee sẅǐŋ gù wɔ́ la?

Ŋwà’ne Jâŋ 21:24

Wɛ̌ *ngàŋa kwò Yěsô gẅie mé gɔɔn, la gyá mɔɔn menò, yé zɔ la ŋwe’e. Peg piŋ ne ńzsé ngie nò gie à gɔɔn áa nénʉ́.

Ŋwà’ne Jâŋ 6:67

Yěsô gÿo ńgɔɔn mbwo pʉ̀a ntsɔ̀b pʉ́a nê legém ngie: Pi tè ne ńkwoŋo gí légʉa wɔ́ ka?

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Ŋwà’ne Jâŋ 6:71

Yěsô gɔɔn pú’u, ńgɔɔn Jẅidas, míŋ Símo Iskariod. Yé zɔ lɔ̌ɔn ge gÿo sẅiŋe Yěsô, tà mbɔɔ pá’ à laa nùɔ pʉ̀a ntsɔ̀b pʉ́a nê legém.

Ŋwà’ne Jâŋ 6:8

Atsɔ̌ *ngàŋa kwò Yěsô gwɔ́ jʉ’ó, lezíŋ sé gwɔ́ le Ndeléya, á gwɔ́ fɛ́ Símo. Á gɔɔn né Yěsô ngie:

Megàŋ ntúm 1:13

Pɔ́ kúu Yerósalem, ńkwɔ́’ɔ ná ndêg we tÿǒ, ńkúu tsɛ̀ɛ lûm ndá gẅie pɔ́ lɔ́ɔn ńcú’te wó. Wɔɔn laa Piɛ, ńgÿo Jâŋ pɔ́ Jâg, ńgÿo Ndeléya. Wɔɔn gwɔ́ Filib, ńgÿo Tomáse, pɔ́ Patelemî mbɔɔ Matio. Wɔɔn gwɔ́ Jâg míŋ Alfe, ńgÿo Símo gẅie mé lɔ́ɔn ńtóŋo yé le mûɔ ngwòŋ, pɔ́ Jẅide míŋ Jâg.

Megàŋ ntúm 1:26

Ésẅíŋte Ssé tà ńtsẅé jʉ’, ḿma’a tyèente lélɔg fa’a nyìŋ gẅie Cʉ̀apʉ̀a tsɔ́’ɔ yé, á gwe nà Matias. Mé kẅi’i yé nà nùɔ megàŋ ntúm ntsɔ́b yemɔ’ɔ́ nê legém.

Megàŋ ntúm 12:2

ńtúm mé gʉa ńdɔg nně ncù ńzẅé Jâg gẅie aa fɛ́ Jâŋ.

Megàŋ ntúm 3:1

Á gwɔ́ tsɔ̌ mbÿɛ̀ njÿó, tà nèm tá fʉ̀’ gie mé tsyɛ’te Ssé ne ńku’u. Piɛ pɔ́ Jâŋ pʉ ńgʉa jʉ’e Ssé.

1 Korento 15:7

À la gÿo ḿbɔ́ɔnte ńnyɛ mbùm ye mbwo Jâg ńgíŋe ńnyɛɛ mbwo megàŋ ntúm métsèm.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Jâŋ 1:1

Mèŋ gẅie mèŋ n ge nkẅè mvfò tsɛ̀ɛ cú’tè pʉ̀a Kristo, mèŋ n náa yɔɔn ŋwà’ne mbwo Má penkʉ́. E Ssé la tsɔ́’ɔ gú. Mèŋ n giŋé ńnáa mbɔɔ mbwo gubé jú, m bǔ ńkwoŋo gẅi pɔ́ métsèm, á nue pege metsèm pǔ ńtyé nà nò nénʉ́, é té ndà’ wɔ̀ɔn mie mèŋ n kwoŋo gẅi wɔ́, awɔ̌wɔ́ɔ gẅie à tyé nà nò nénʉ́ giŋé ńkwoŋo gẅi yé.

3 Jâŋ 1:1

Mèŋ nkẅè mvfò tsɛ̀ɛ cú’tè pʉ̀a Kristo, n náa yɔɔn ŋwà’ne mbwo gù Gaẅis, á shǔ wɔ̀ɔn we tʉ̀ nzẅìŋ. Mèŋ n kwoŋo gú nue pɔgɔ pǔ ńtyé nà nénʉ́.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

Ŋwà’ne Ngyà jʉ’ 22:8

Mèŋ Jaŋ, n ka jú’ mɔɔn menò, ńgíŋe ńgyá. N ka jú’ mɔɔn menò ńgíŋe ńgyá pú’u, ńnuŋe mekwò *cÿɔ́’ Ssé légu’te yé, á *cÿɔ́’ Ssé gẅie à ka ne ńnyɛɛ wɔ̀ɔn mɛ̌ menò.