Matio 10:19 - Nouveau Testament en Ngienboum

¹⁹ Mé gÿo ńgwɔ́ tà ne ńdɔgɔ gẅi ńgee, tà pi pú’ mbùm gi ngie pi ge tóo wó gɔɔn ngie kɔ́ wɔ́? Aa gÿo gwɔ́ fʉ̀’ó, e Ssé náa gẅi shwóŋó,

Matio 10:19 ပူးပေါင်းရင်းမြစ်များ

Matio 10:18

Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Matio 6:25

Mèŋ n dɔgɔ shwóŋó gẅi ngie: Tà pi ńnéŋe ḿbú’u mbùm gí ngie peg ge pfɛ́ɛ kɔ́, peg ge lɔg ntse nzɔ̌ é núu? Peg ge lɔg nzsǒ nzɔ̌ ma’a? Gẅi le gwɔ́ wó tè cʉa shúm léjÿó wɔ̂? Mbùm nyìŋ piŋ tè gwɔ́ mmó tʉ̀ nzẅìŋ ńcʉa menzsǒ wɔ́?

Matio 6:31

Tà pi gíŋe ḿbú’ mbùm gi, ńgɔɔn ngie mé ge pfɛ́ɛ kɔ́? Mé ge lɔg ntse nzɔ̌ é núu? Mé ge lɔg nzsǒ nzɔ̌ é ma’a?

Matio 6:34

Pú’u la, tà pi pú’ mbùm gi ná nò lyɛ’ɛ́ lá’ jǔɔ. Àlyɛ’ɛ́ lá’ jǔɔ, a ge gÿo tó lâ mé menò. Yɛ̌ ngɔ́’ wɔ́ ku’u nà yé lyɛ’ɛ́ lá’.

Lukase 12:11

Pi zsé ngie, tsɔ́ fʉ̀’ ge gÿo ku’, mé gwoon gẅí, ńgʉa ńŋaga gẅi kà pɔ́ *ndá cú’tè pà Yuda wɔ́, kà pɔ́ mvfò mefùɔ wɔ́, kà pɔ́ mvfò pàsá’a lá’ gwɔ́. Mé gwɔ́ tà ne ńdɔgɔ gẅi ńgee, tà pi pú’ mbùm gí ngie pi ge tóo wó é gɔɔn ngie kɔ́ wɔ́? É zoŋo twó gí lêkɔ́ wɔ́?

Lukase 12:12

Á ge gÿo gwɔ́ fʉ̀’ó, à Zẅìge Ndʉalʉ̌a shwóŋó gẅi nò gie pi ge gɔɔn.

Megàŋ ntúm 6:10

Pâ pɔ̌ ně ńzoŋo pú’u, atsɔ̌ nyìŋ té ŋaga yé tà ńjÿó wɔ́, mélà’mie Zẅìge Ssé lɔ́ɔn náa yé legye lélɔg ńgɔɔn nò.

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.