Matio 10:18 - Nouveau Testament en Ngienboum

¹⁸ Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Matio 10:18 ပူးပေါင်းရင်းမြစ်များ

Matio 10:17

Pi laga twó gí, mélà’mie pʉ̀a mesoŋ ge gÿo sẅiŋe gẅi mé ŋaga gẅí, ńdɔ́g mengwɔ̀ɔn ńcuɔ gẅi á tsɛ̀ɛ *mendá cú’tè mɔ́b

Matio 10:19

Mé gÿo ńgwɔ́ tà ne ńdɔgɔ gẅi ńgee, tà pi pú’ mbùm gi ngie pi ge tóo wó gɔɔn ngie kɔ́ wɔ́? Aa gÿo gwɔ́ fʉ̀’ó, e Ssé náa gẅi shwóŋó,

Matio 8:4

Yěsô gɔɔn né yé ngie: Pɔ́ɔn lé ké ńkím tà nyìŋ jú’, tá’ ké ńgʉa ńnyɛ mbùm ɔ̀, á mbwó nùŋe pwɔ́’, ḿbiŋ ńnáa mmó gie *lepʉ̌ Mǒsê ne ńzɛ́te mbwó nyìŋ gẅie nkà’ é magá ná yé, epʉ̀a metsèm lêen ńké ńzsé ngie ɔ̀ zeŋě.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 11:7

Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Ngyà jʉ’ 6:9

Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétʉ̀a, mèŋ n gyá mentʉ́m pʉ̀a pie mé la zẅéte wɔ́b, mélà’mie pɔ́ la shwóŋó nò Ssé mbɔɔ ná pá’ pɔ́ la gɔɔn mmó gie pɔ́ zsé nà nò Yěsô, é nuŋte tsìŋe jʉ’ gie mé nuŋe pwɔ́’ wó,